Шошо ага йодышым каҥашыме

«У ий толын шуын, шошо агат тораште огыл. Тудлан ямдылалтме паша кузерак ушна, урлыкашым, техникым ситарымым кузерак акледа?» - йодын регион вуйлатыше.

«Ончылгоч палемдыме почеш, тений икияшым ӱдымӧ кумдык 150 тӱжем гектарыш шушаш. Тышечын пырчан да пырчан-отызан кушкыл 92 тӱжем гектарым айлышаш. Икияшым ӱдаш 88 тӱжем гектар мландым куралын кодымо. Тиде пашам шыжым шуктымо. Ӱдышаш урлыкашым 100 процентлан ситарыме, тышечын кондиционныйжо – 94 процент», - палемден Александр Гречихо.

Республик вуйлатыше ончычсо ийла дене таҥастарымаште ӱдышаш урлыкашын качествыже саемеш мо манын йодын. Ведомство вуйлатыше сай кўкшытыш шуынна манын вашештен.

«Сай урлыкашна 6 процентлан шукырак уло. Тышкыже кодшо ийын тыршымылан кӧра шумо. Кызыт норматив документ-влак дене паша ышталтеш. Тидыже ялозанлык сатум ямдылыше-влаклан февраль тўҥалтыштак шєрлан, тыгак шошо ага пашалан икымше компенсацийым тӱлаш манын шукталтеш. А кумылаҥдыме шотышто полыш март тӱҥалтыште лиеш», - ешарен ялозанлык да продовольствий министр.

Технике нерген мутланымыж годым Александр Гречихо тидым палемден. Регион ончычсо семынак Ростсельмаш предприятий дене кылым кучаш тӱҥалеш. Шошо агалан кадрым ямдылыме йодышым ончалаш гын, кугу проблемыжак уке, но икмыняр нелылык уло. Тидлан механизатор ден тракторист правам налшашлан кыдалаш кокла тунемме тєнежлаште, тыгак Агробизнес кадрым уэш ямдылыше марий институтышо кумылан кажне еҥ шинчымашым нӧ​лтен кертеш.