Шокшо, волгыдо, черетат уке

Марий Элым вуйлатыше Александр Евстифеев 14 августышто Морко районыш паша дене миен коштмыж годым Элнеттўр ялыште у фельдшер-акушер пунктым ончен савырнен.

Модульный амбулаторий ял калыклан пуалтше медицине полышын качествыжым саемдышашлан Россий Президент Владимир Путинын пеҥгыдемдыме национальный проект дене келшышын ышталтын. Тидлан 4 миллион утла теҥгем кучылтмо, тышеч 2,8 миллион теҥгеже – Россий Федераций правительствын резерв фондшын оксаже. Негызым ышташ, объектым инженерный сеть-влак дек ушаш, ФАП-лан кўлшє медицине оборудованийым да мебельым налаш республикын бюджет оксажым кучылтмо.

Александр Евстифеев ФАП-ым ончен савырнымыж годым тыге палемден: тыгай пункт-влак ял калыкын илышыжым саемдаш, йоча шочмым шукемдаш, колымашым шагалемдаш полшат. Сандене нуным ыштымашке уло вийым ушыман.

У ФАП-ыште пеш йєнан условийыште кызытак прививкым ыштыкташ, специалистын консультацийжым налаш лиеш. Тудын кумдыкшо 79 квадратный метр веле гынат, тушто чыла кўлешан пєлем уло: полышым йодын толшо-влакым вашлийме, процедурный кабинет-влак, эмым аралыме, стерилизацийым ыштыме да санитарный пєлем-влак, персоналлан каныме вер, санузел. ФАП-лан налме кызытсе жаплан келшыше медицине оборудований сай качестве дене первичный диагностикым, кугыеҥ ден йоча-влаклан диспансеризацийым эртараш, могай чер дене черланымым рашемдаш, икымше медицине полышым юватылде пуаш да моло стандартный процедурым эртараш йєным пуа.

Кўлешан медицине полышым ынде тораш коштде налын кертмыланна куаненна. Тыште шокшо, волгыдо да черетат уке, каласен республикым вуйлатышылан фельдшер дек приёмыш толшо ўдырамаш.

Фельдшер-акушер пункт кызытсе чыла нормо дене келшен толеш, тудо Морко районысо Элнеттўр ден Ерўмбал яллаште илыше 300 наре еҥым обслуживатлаш тўҥалеш.