Шочмо элым аралышын кечыж дене!
21.02.2020
Вооруженный Вийын шерге ветеранже-влак! Марий Эл Республикыште илыше пагалыме еҥ-влак! Тендам Марий Эл Республикын Правительствыже лўм дене да шке лўмем дене Шочмо элым аралышын кечыж дене саламлем! Россий Шочмо элым аралаш кеч-могай татыште шогалын кертше достойный еҥже, чын патриотшо-влак дене эреак чапланен. Тиде кечын ме тукым-влак коклаште кўрылталтдыме кыл улмым шижына, элнан историйже дене кугешнена да илышыштым воинский порыс дене эрелан кылдыше герой-влакым чапландарена. Боевой действийын мемнан воктенак илыше ветеранже-влакым чот пагалымынам ончыктем, а мемнан кокла гыч кайыше-влакым эреак шарнаш тўҥалына. Кызыт мемнан пеш кўлешан задачына – россий калыкын чапле йўлажым арален кодымаш да умбакыже пойдарымаш, Россий Федерацийын куатшым да авторитетшым пеҥгыдемдымаш. Тений ме Кугу Сеҥымашын 75-ше идалыкшым палемдена. Российын Президентше В.В.Путин 2020 ийым Шарнымаш да чап идалык семын увертарен. Ик эн шучко тергымашым чытен лекше да мыланна ончыкылыкым пєлеклыше ветеранна-влакын да пўтынь совет калыкын подвигышт нерген исторический шарнымашым арален кодышашлан ме чак чумыргышаш улына. Шочмо элын национальный интересшым аралыше, тыныслыкым да элнан ласка илышыжым аралымаште шогышо чыла еҥлан вий-куатым, патырлыкым, пиалым да чыла сайым тыланем! Вооруженный Вийын ветеранже-влаклан – тазалыкым да кужу ўмырым. Тек кажне ешыште порылык, тыныслык да улан илыш гына оза лийыт! Марий Эл
Республикым Вуйлатыше |