|
Школ уэмын
22.09.2021
Кужэҥер
посёлкышто тўҥ общеобразовательный школым да йоча искусство школым капитально олмыктымо. 16 сентябрьыште Куженер
райыныш паша дене миен коштмыж годым Марий
Элым вуйлатыше Александр Евстифеев тиде школыш миен савырнен.
Школын директоржо Светлана Михайлова школышто спортзалым олмыктымо, окна ден омса-влакым, инженеррный коммуникацийым да электросетьым вашталтыме манын увертарен. Олмыктымо пашам шукташ чылаже 19 миллион утла теҥгем ойырымо. Чыла пашам 20 сентябрь марте шуктымо. Марий Элым вуйлатыше школын ончыл велжым, спортзалым, пищеблокым ончалын савырнен. Тудо чылажымат сайын олмыктымо, но ремонтым умбакыже шуяш кўлеш манын палемден. Капитально олмыктымылан кєра ты школышто тунемше-влакым районын администрацийже 2-шо №-ан Кужэҥер кыдалаш школыш кусараш пунчалын улмаш. Капитальный ремонтым тыгак Кужэҥер йоча искусство шолыштат эртарыме. Марий Элым вуйлатыше тудымат ончен савырнен. Тушто лиймыж годым Чумыр марий йоча хорышто мыняр тунемшыда участвоватла манын йодын. Светлана Михайлова 12 йоча тушто мура манын вашештен. Йоча искусство школыш чылаже 230 икшыве коштеш, 10 йоча творческий коллектив пашам ышта. Регионым вуйлатыше паша качествым кўкшын аклен, искусство школ олмыктымо деч вара чотак вашталтын манын палемден. |
Школ уэмын
