Школ ден йочасадлашке, больницылашке шокшым пуымо

23 сентябрьыште Йошкар-Одасе социальный учрежденийлаште олтымо сезон тўҥалын. Тидын нерген калыклан илашыже йєным пуэн шогышо объект-влакын да социальный сферын шыже-теле жапыште пашам ышташ ямдылалт шумышт шумлык эртарыме совещанийыште рўдолан мэрже  Евгений Маслов увертарен. Совещанийым Марий Элым вуйлатыше Александр Евстифеев вўден.

Тыгай пунчалым игече йўкшемдымылан кєра лукмо. Резервыште кучымо топливе запасым шўдє процентыш шуктымо. Оласе 99,3 процент пєрт олтымо сезонлан ямде. Ик частный  управляющий компанийын пєртшє-влак шотышто гына але йодыш уло, ешарен Евгений Маслов.

Тўрыснек налмаште республикыште   шыже теле жаплан ямдылалтме паша  график плчеш шукталтеш. Шуко пачеран 99,5 процент пєртым да 99,1 процент котельныйым  телылан ямдылен шуктымо. Звенигово районышто гына график деч почеш кодыт, тушто  палемдымым 96 процентлан шуктымо.  Красногорский  поселкышто  олтымо жаплан шуко пачеран 20 пєртым ямдылен шуктымо огыл.

Александр Евстифеев чыла пашам 27 сентябрь марте шукташ да тудлан увертараш кўштен.

Килемар ден Юрино район-влакын олтымо сезонлан ямдылалтмыштым совещанийыште радамлын каҥашыме.

 Республике мучко налмаште 25,1 тўжем тонн  мланде шўйым  шапашлыме, материально-технический  ресурсын  аварийный шапашшым  чумыраш да пойдарен шогаш  республиканский ден муниципальный бюджетла гыч 13  миллион теҥгем ойырымо.