Россий Президентын Указше дене келшышын, Марий Эл базовый ямдылыкыште улмо кўкшытан регион-влак радамыш пурен. Ойыртемалтше правовой режимыш куснымо условийыште республикыште документыште ончыктымо мере деч посна нимогай ешартыш ограничений мере огеш ышталт. Тыге каласен Марий Элым вуйлатыше 25 октябрьыште Оперштабын заседанийыштыже.
Оперштаб Марий Элыште илыше е‰-влакым лийын кертше лўдыкшє деч арален шогышашлан йєным ыштышаш. Тудын е‰же-влак тылеч посна республиканский, муниципальный исполнительный кучем орган-влаклан, федеральный кучем орган-влакын территориальный подразделенийыштлан икшырымын пашам ышташышт полшен шогышаш, каласен регионым вуйлатыше Юрий Зайцев.
«Штабын задачыжлан калыкым да территорийым пўртўс ден техногенный шотан чрезвычайный ситуаций деч аралыме шотышто мероприятийлам рашемден палемдымаш, тыгак Россий Федерацийын Вооружённый Вийжын, моло войскан, воинский формирований, кучем орган-влакын, калыкын кўлешлыкыштым шуктышашлан мерым ыштымаш шотлалтыт»,– палемден республикым вуйлатыше.
Тудо тыге ешарен: калыклан илашыже йєным ыштен шогышо объектлаште, тыгак е‰-влакын илышыштлан да тазалыкыштлан кугу лўдыкшым ыштен кертше, кўлешан кугыжаныш ден специальный объекьлаште, транспортышто общественный порядкым да лўдыкшыдымылыкым утларак чот эскераш да аралаш тўналыт. Чыла тыгай объектлаште пашам ыштыме ойыртемалтше режимыш куснат.
«Эше ик гана палемдем, базовый ямдылыкыште улмо режимыш куснымылан кєра республикыште нимогай ешартыш ограничений мере огеш ышталт»,– каласен регионым вуйлатыше.
Оперштабын пашажым Юрий Зайцев шкежак терген шогаш тў‰алеш. Мобилизоватлыме е‰-влакын кўлешлыкышт, нунылан да ешыштлан полышым пуэн шогымо дене кылдалтме чыла йодыш тудын вуйлатымыж почеш тєрлалтеш.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
