Марий Эл вуйлатыше Юрий Зайцев «Знание» Российысе обществын директоржо Максим Древаль дене вашлийын да ваш полшен пашам шуктымо шотышто ойпидышым ыштен.
Ойпидыш калыкнан научный, образовательный, культурный умылымашыжым нӧлтымашке, просвещений пашан нормативный правовой базыжым ыштен да уэмден толмашке, у специалист-влакым ямдылымашке, элнан историйже нерген шинчымашым шарымашке виктаралтын. Регион вуйлатыше республикыште илыше-влакын ты обществын эртарыме мероприятийлашкыже кумылын ушнымыштым палемден.
«Знание» обществе дене ваш келшен пашам ыштыме кышкарыште мемнан калыклан утларак пайдале да оҥай меророприятий-влакым эртараш, туныктымо пашаште дистанционный йӧнлан эҥерташ, кызытсе жаплан келшыше мультимедийный средам ышташ, просвещений сферыш утларак талантан самырык специалист-влакым ушаш палемдыме. Ойпидыш доступный образовательный средам да лекцйым эртарыме пашам лектышанракым ышташ полшышаш», – палемден Юрий Зайцев.
Ты общество республикыште организацийын угыч ышталтмыж пагыт гычак уло. «Мемнан просветительский проект ден мероприятийлаш республикысе калык кумылын ушна. Ончыкыжымат ме шке пашам регионыштыда вияҥдаш да самырык-влаклан илышыште шке верым муаш полшаш тӱҥалына»,– каласен Максим Древаль.
Марий Эл вуйлатышын пресс-службыжын уверже негызеш С.Носова ямдылен.
