Шернурлан – 270 ий

Тыге возен шке кундемже нерген поэтессе З.Дудина. А 17 августышто Шернур посёлко чапле юбилейжым палемден. Игече пылан лийын гынат, посёлкын шочмо кечыжым пайремлымашке Шернурышто илыше-влак веле огыл погыненыт.

Посёлкышто илыше-влакым чапле событий дене саламлаш Марий Элым вуйлатыше Александр Евстифеев миен коштын. Шернур район Марий кундемым пўтынь эл мучко чапландарыше шуко лўмлє еҥын шочмо кундемжылан шотлалтеш, каласен тудо.

Ме посёлкылан негызым пыштыше, икымше уремым почшо, тудым умбакыже тўзатен толшо еҥ-влакым шарнышаш улына. Республик совет киноактёр да поэт Йыван Кырла, писатель, марий поэзийым руш йылмыш устан кусарыше Николай Заболотский дене кугешна. 1980 ийысе Олимпийский модмашын ший призёржо, ече дене таҥасымаште тўнян чемпионкыжо, Марий АССР культурын заслуженный пашаеҥже Нина Селюнина-Рочева шочмо кундемышкыже эреак толын коштеш, тудо землякше-влакым огеш мондо, республикыште спортым вияҥдымашке надырым пыштен шога, каласен Александр Евстифеев.

Шернур районышто ялозанлык сайын вияҥеш: верысе агропромышленный предприятий-влакын сатуштым республикыште веле огыл, тудын деч тора кундемлаштат сайын палат да кумылын налыт. Александр Евстифеев пример шотеш Шернур сырзаводым ончыктен. Тудын лукмо сатужо всероссийский ден тўнямбал выставкылаштат кугу награде дене ик гана веле огыл палемдалтын.

Республикым вуйлатыше муниципальный образованийыште да тудын административный рўдерыштыже пытартыш жапыште лийше кугу вашталтыш нерген каласкален.

Красноармейский уремыште корно пужен ышталтеш, «Оласе йєнан среда» программе почеш кудывече ден общественный вер-влак тўзаталтыт. Районыштат тўзатыме паша тыгак чулымын шукталтеш. Теве «Ял кундемлам ўшанлын вияҥдымаш» подпрограмме дене келшышын, Кугэҥер ял шотан илемыште автомобиль корно ышталтеш. Тений Казанский кыдалаш школын леведышыжым олмыкташ правительствын резерв фондшо гыч кум миллион утла теҥгем ойырымо. Тунемме ий тўҥалтышлан паша мучашлалтеш.

Республикым вуйлатыше ойлымыж годым Шернур районышто корным олмыктымо нергенат йодышым тарватен. Пытартыш ийлаште тиде йодыш РФ Правительствын федеральный полышым ойырымыжлан кєра сайын тєрлалтеш. Теве кызыт «Йошкар-Ола – Уржум» корно олмыкталтеш, тыгак «Казанский – Кукнур» трассыште 10 км кужытан участкыште корно уэмеш.

Элын президентшын тўҥалтышыж почеш илышыш шыҥдаралтше национальный проект-влак республикым да районым умбакыже вияҥдаш кумда корным почыт. Тыге «Культур» нацпроект дене келшышын, Лажьялыште верысе культур пєртын леведышыже олмыкталтеш.

Кундемым вуйлатыше районым вияҥдымаште ял калыкын кугу надырым пыштымыжымат палемден.

Шернурышто илыше-влак районым тўзатымашке шке надырыштым пышташ тыршат, нуно общественный инициативе-влаклан полшымо движенийыш чолган ушненыт. Районын илышыжым, земляк-влакын илышыштым саемдыме пашам шке пашада семын аклымыланда тау. Ончыкыжат шочмо кундемдан чын озаже лийза, йочада ден уныкада-влакын волгыдо ончыкылыкышт верч тыршыза. Шочмо кундемдам, шке пєртдам – Марий Эл Республикым йєратыза, Шернур районым йєратыза, погынышо-влакым ўжын каласен Александр Евстифеев.

«Шерге таҥ-влак, тыланда илышыште чыла сайым, ваш-ваш умылымашым, чыла порым, тыныслыкым да сєрасымашым, а Шернур посёлкылан да Шернур районлан умбакыже вияҥаш да пеледалташ тыланем! Тек пайрем тендам шке шокшыж дене ырыкта да нєлталтше кумылым пєлекла!», – каласен пытартышлан Александр Евстифеев.

Шернур посёлкышто илыше-влакым тыгак Россий Федераций Федеральный Погынымашын Федераций Советшын аппаратшым вуйлатыше Сергей Мартынов саламлен ойлен.

Землякше-влакым Шернур районын администрацийжым вуйлатыше Сергей Адигановат шокшын саламлен да районысо предприятийлаште тыршыше эн сай пашаеҥ-влаклан наградым кучыктен. Тиде кечын ™лыл Кугэҥер библиотекым вуйлатыше Надежда Пирогова, ялозанлык отрасльын ветеранже Елизавета Березина, педагогический пашан ветеранже, РФ образованийын заслуженный пашаеҥже Ираида Овечкина, «Восход» колхоз» ялозанлык производственный кооперативын председательже, Марий Эл ялозанлыкын заслуженный пашаеҥже Владимир Смоленцев, «Шернур райпо» потребкоопераций советын председательже, Марий Элысе обслуживаний сферын заслуженный пашаеҥже Валерий Бердинский, Шернур рўдє райбольницын врачше, Марий Элын заслуженный врачше Галина Шабдарова, «Колокольчик» йочасадым вуйлатыше, Марий Эл образованийын заслуженный пашаеҥже Надежда Четкарёва, «Марикоммунэнерго» ООО-н филиалжын котельныйжын операторжо Виталий Арсланов пашаште кугу сеҥымашке шумыштлан да социально-экономически вияҥдымашке кугу надырым пыштымыштлан Шернур муниципальный районын почёт оҥашкыже пурталтме нерген свидетельствым налыныт. Тиде кечынак эше куд еҥ Шернур посёлкын почётан гражданинже лийын.

Тиде торжественный мероприятийлан ик кече веле огыл ямдылалтыныт, сандене пайрем пеш чаплын эртен. Шернур калыкым Э.Сапаев лўмеш Марий опер ден балет театрын артистше-влак куандареныт. Тиде кечым пайрем концерт да сєрал тулсавыш мучашленыт.