«Сеҥымашын салютшо» концертлан ямдылалтыт

Пўтынь эллан шнуй сынан улшо пайрем вашеш Марий Элыште «Сеҥымашын салютшо» гала-концерт лиеш. Тушто республикысе эн сай творческий коллектив-влак Кугу Сеҥымашлан пєлеклалтше номерыштым ончыктат.

Сеҥымашын 75-ше идалыкшым пайремлыме шумлык торжественный мероприятийлам эртараш ямдылалтме йодышым 29 октябрьыште Правительстве пєртыштє Марий Элым вуйлатыше Александр Евстифеев ден республикын тўвыра, савыктыш да калык паша шотышто министрже Константин Иванов каҥашеныт.

Александр Евстифеев шарнымашан тиде кечым пайремлаш ямдылалтме, Россий Президентын Указше дене Шарнымаш да чап идалык семын увертарыме ийыште республикыште могай мероприятийлам эртараш шонымо нерген йодыштын.

Ме Кугу Сеҥымашлан 75 ий теммым пайремлыме нерген радамлын мутланен налына. Мыят, республикыште илыше еҥ-влакат шушаш ийыште республикыште эртышаш мероприятий-влакын культурный программыштым да пайремлан ямдылалтме чумыр концепцийым рашрак пален налнена, каласен Марий Элым вуйлатыше.

Константин Ивановын ойлымыж почеш, пайремлан ямдылалташ тўҥалме, Кугу Сеҥымаш кечылан пєлеклалтше мероприятий-влак лачшымак февраль гыч эртаралташ тўҥалыт.

«Сеҥымашын салютшо» фестиваль 1 февральыште стартым налеш. Кажне шуматкечын да рушарнян республикысе районла гыч ныл коллектив фестиваль-конкурсышто участвоватлаш Марий Элын рўдє олашкыже толын коштеш. Тиде фестиваль-конкурс 16 март йотке шуйна. Фестивальын результатше почеш сеҥышыш лекше-влак рашемдалтыт, 6 майыште Сеҥымашын ХХХ идалыкше лўмеш культур полатыште кугу гала-концерт лиеш. Конкурс кугу кўкшытыштє эртышаш, творческий коллектив-влаклан тушто участвоватлаш йєнан лийже манын оксамат ситышын ойыраш палемдыме. Ямдылалтме пашам мучашке шуктымо, каласен республикын тўвыра, савыктыш да калык паша шотышто министрже.

Константин Ивановын ойлымыж почеш, тылеч посна майыште Марий Элын театрже-влак республик мучко гастрольыш лектыт да кажне муниципальный образованийыште чапле постановкым ончыктат.

Александр Евстифеев тыге ушештарен каласен: кугыжанышым вуйлатыше Владимир Путин чыла торжественный ден шарнымашан мероприятийым кўлеш кўкшытыштє эртараш задачым шынден. Сандене Марий Элыште Кугу Сеҥымашым пайремлаш шот дене ямдылалтман, иктешлен каласен республикым вуйлатыше.