Сеҥымаш парадым военный технике сєрастара
05.04.2019
Кугу Отечественный сарыште Сеҥымылан 74 ий темме лўмеш парадым эртарыме кечын Йошкар-Олан уремлаж дене уэш военный технике эрта. Тыге кутырен келшыме Марий Элым вуйлатыше Александр Евстифеевын правительстве член-влак дене пашаче вашлиймашым эртарымыж годым. Марий Эл правительстве председательын алмаштышыже Степан Воронцов тыге увертарен: Сеҥымаш парадлан ямдылалтме репетиций 12 апрельыште тўҥалеш. Чылаже вич тренировко лиеш, тышеч кокытыштыжо механизироватлыме колонно-влак участвоватлат. Вашлиймашке погынышо-влак «Бессмертный полк» акцийым эртарыме нерген йодышым посна каҥашеныт. Тений Кугу Отечественный сар ийлаште колышо коча ден кугезе коча-влакым порын шарнымым ончыкташ фронтовик-влак дене пырля колонныш шогалаш 30 тўжем утла еҥ кумылаҥын. Александр Евстифеев Марий Элыште илыше-влаклан «Бессмертный полк» акцийыш ушнышашлан фронтовик-влакын портретыштым ямдылаш йєным ышташ правительстве член-влаклан кўштен. Марий Элым вуйлатыше тыгак 9 Майлан ямдылалтме шотышто икмыняр моло йодышым тарватен. |