Сеҥымаш кечылан ямдылалтме паша кажне кечын шукталтшаш

Марий Элым вуйлатыше 13 ноябрьыште Сеҥымаш кечым пайремлаш ямдылалтме да тудым эртарыме шотышто организационный комитетын заседанийжым эртарен.

Заседанийын пашажым тўҥалшыжла, Александр Евстифеев грипп ваштареш прививкым ыштыкташ правительстве член-влакым ўжын. Ме тендан дене пырля черланаш праван огынал, каласен тудо.

Сеҥымашын юбилейжылан ямдылалтмылан поснак кугу тўткыш ойыралтеш, палемден Марий Элым вуйлатыше. Россий Президентын указше дене шушаш ийым Шарнымаш да чап идалык семын увертарыме. Тудым эртарыме тўҥ задачылан организационный системым вияҥдымаш да калыкым элын историйыштыже лийше тўҥ событий-влак да тудын гражданже-влакын пеш чапле личный примерышт негызеш патриотизм шўлышеш шуарышашлан ресурсный негызым ямдылымаш шотлалтыт. Патриотизм шўлышеш шуарен куштымо пашаште историйым вес семын ончыкташ тыршыме ваштареш виктаралтше эн сай паша опытым кумдан шарыман, Кугу Сеҥымаште совет калыкын тўҥ верым налын шогымыжым ончыкташ тыршыман. Калыкым элын да тудын калыкшын исторический да кызытсе сеҥымашыж дене кугешныме шўлышеш шуараш кўлеш, каласен республикым вуйлатыше.

Тўҥ мероприятийлам авалтыше кумда планым пеҥгыдемдыме. Тушко чылаже 182 мероприятийым пуртымо. Шарнымаш да чап идалык Кугу Сеҥымашым кондышо да тўнянм нацизм деч утарыше Россий калыкын геройло образшым еҥ-влакын уш-акылыштышт пеҥгыдемдаш полшышаш, палемден элкєргє политике, верысе самоуправленийым вияҥдыме да юстиций шотышто министр Михаил Данилов.

Оргкомитетын членже-влак ветеран-влаклан социальный ден медицине полышым пуымо нерген йодышым каҥашеныт, культурно-массовый мероприятий-влакын парограммыштым ончен лектыныт. Профильный министерстве-влакын вуйлатышышт социальный, медицине да моло тўрлє полышым пуымо паша дене палдареныт.

Республикыште Кугу Отечественный сарын 153 участникше кодын, тышеч  42 еҥже – инвалид. Чылаштын тазалыкшым тергыме, 63 процентше диспансеризацийым мєҥгыштє эртен, каласен тазалыкым аралыме шотышто министр Марина Панькова.

Заседанийыш погынышо-влак мемориал-влакым шот дене кучымо, шарнымашан вер ден военный шўгарлам тўзатыме йодышлам каҥашеныт.

«Поисковое движение России» Общероссийский мер толкынын Марий Элысе региональный пєлкажын советшын председательже Дмитрий Шипунов Сурок посёлкысо воинский шўгарла нерген каласкален. Тушто черланен колышо 555 салтакым тойымо. Тушто шукертак сєрымє мемориалым ышташ кўлеш, каласен Дмитрий Шипунов. Марий Элым вуйлатыше тиде пашам юватылде тўҥалаш кўштен.

Образований ден науко министрын алмаштышыже Анжела Сагадуллина Кугу Отечественный сарыште калыкын геройло подвигшым эреак шарнен илыме шотышто чулымын пашам ыштыше школ ден туныктышо-влаклан пошлшышашлан республикын правительствыжын грантше-влакым пеҥгыдемдыме нерген Марий Элым вуйлатышын кўштымыжым шуктымо шотышто каласкален.

Тўвыра, савыктыш да калык паша шотышто министрын алмаштышыже Михаил Матвеев эн сай районный творческий коллектив-влакым рашемдыме шотышто конкурсым эртараш палемдыме нерген ойлен.

Сеҥымаш кечым пайремлыме мероприятий-влак нерген ойлымыж годым Марий Элым вуйлатыше чапле юбилейлан ямдылалтме пашаш тунемше ден студент-влакым веле огыл, тыгак моло еҥымат кумдан ушаш ўжын.

Миротворец ден локальный конфликт-влакын участникышт нерген нимом ышда каласе. Ямдылалтме пашаш нуным ушыманак. Ветеран-силовик-влак нерген шагал ойлена. Тиде нунынат пайремышт, нунымат ушыман. Лийме семын утларак шуко еҥым ушыман, палемден кундемым вуйлатыше.

Кугу Сеҥымашлан ямдылалтмаш кучемын, мер ден ветеран организаций-влакын пашаштышт рўдє верым налшаш. Тиде паша кажне кечын кўрылтыш деч посна шукталтшаш, каласен республикым вуйлатыше.