Сеҥымаш кече – кугу пайрем

Марий Элым вуйлатыше Александр Евстифеев 24 октябрьыште элкєргє политике, верысе самоуправленийым вияҥдымаш да юстиций министр  Михаил  Данилов дене вашлийын. Тидын годым Кугу Сеҥымашын 75-ше идалыкшылан  муниципальный образований-влакын ямдылалтмыштым кузе аклаш кўлмє нерген мутланеныт.

Кугу Сеҥымашлан 75 ий темме вашеш ятыр конкурс эртаралтеш. Тидлан ямдылалтман, нормативный базым рашемдаш, грант-влакым Минфин дене пырля палемдыман. Тиде паша кузерак шукталтеш? - йодын республикым вуйлатыше  Михаил Данилов деч.

Министр муниципальный образований ден ола округ-влакын пайремлан ямдылалтмыштым  кум номинаций дене аклаш тўҥалына манын вашештен.

Икымше номинаций – мер ушем-влакын  самырык тукымым патриотизм  шўлышеш шуарен куштымо да Сеҥымаш кечылан ямдылалтме пашашт. Вес номинаций – савыктыш паша. Сеҥышым тыгак у мемориал комплекс, памятник, обелиск-влакым почо, шўгарла-влакым эрыктен тєрлымє пашам  аклыме негызеш рашемдат.

Александр Евстифеев муниципальный образованийлаште Сеҥымашлан 75 ий теммым  пайремлаш ямдылалтме да конкурсышто участвоватлыме пўтынь паша нунын терген шогымышт почеш эртыже манын, ты пашаш  район-влакын вуйлатышыштым чулымын ушаш  кўштен.