Сбербанк дене кыл пеҥгыдемеш

Марий Эл ден Сбербанк наличный окса деч посна расчётым ыштыме системым вияҥдаш тўҥалыт. Тидын нерген келшен толшо соглашениеш 15 ноябрьыште республикын Правительство пєртыштыжє Марий Элым вуйлатыше Александр Евстифеев ден Сбербанк ПАО-н Марий Элысе пєлкажым вуйлатыше Арсений Колобов кидым пыштеныт.

Тидын деч вара кундемлаште цифровизацийым вияҥдыме шотышто Сбербанкын продуктшо-влакын технологийыштым ончыктымылан пєлеклалтше сессий лийын. Тушко погынышо-влакым Марий Элым вуйлатыше саламлен ойлен. Тудо тыге палемден: республикын Правительствыже цифровой ден технологический политикын региональный ужашыже-влакым формироватлыме шумлык чулымын пашам ышта, тиде пашаште Сбербанк кеч-кунамат ўшанле партнёрна лийын.

Те паледа: тений июньышто Петербургышто эртыше тўнямбал экономический форумышто Россий Сбербанк правленийын председательже Герман Греф дене пашам пырля ыштыме нерген соглашенийым ыштыме. Ме инвестиционный программе-влакым ямдылыме да илышыш шыҥдарыме годым пырля пашам ыштыме, республикын промышленный комплексшым инноваций негызеш вияҥдыме, предприятийлам у технике негызеш уэмден толмо пашаште мыланна полшымо нерген, тыгак Марий Элыште пеш кўлешан федеральный проект-влакым илышыш шыҥдарымаште пырля пашам ыштыме нерген кутырен келшышна. Чыла тидыже да таче кидым пыштыме соглашений регион кўкшытыштат, тыгак пўтынь эл кўкшытыштат сай лектышыш шуаш йєным пуат, финанс ресурсым налшашлан Марий Эл Республикым тўнямбал научный, технологический, цифровой да экономический пространствыш пайдалын ушаш полшат, каласен Марий Элым вуйлатыше.

Пытартыш ийлаште Сбербанк цифровой сервисыш инвестицийым ушымо шотышто Российысе компаний-влак коклаште ик эн ончылно кая. Ме инфраструктурым саемдыме, регионышто йєнан илыш условийым ыштыме пашам цифровизаций негызеш вияҥдыме шотышто республикын Правительствыж дене пырля чулымын тыршена. Ончыкыжо Марий Эл  Российын ик эн чот вияҥше «цифровой» регионышкыжо савырна манын ўшанем, каласен Арсений Колобов.