Марий Эл вуйлатыше Юрий Зайцев 26 сентябрьыште Нижний Новгородыш миен да Глеб Никитиным Нижегородский областьын губернаторжылан шогалтыме дене саламлен.
Инаугурацийыште Россий Федерацийын Президентшын Юл кундемысе федеральный округышто полномочный представительже Игорь Комаров лийын. Тудо ты должностьыш шогалтымашым калыкын ӱшанже манын палемден.
– Тысе калык сай велыш вашталтышым ужеш да тыланда ӱшана. Тендан тыршыме дене пытартыш жапыште инфраструктур саемеш, школ, йочасад, медицине учреждений, технопарк, спорт объект-влак чоҥалтыт, у производствым почаш условий ышталтеш, – каласен Юрий Зайцев.
Тыгак тудо Нижегородский область ден Марий Эл коклаште вашкылым пеҥгыдемдымыштым да туризм сферыште проект-влакым илышыш пырля шыҥдарымыштым палемден.
Глеб Никитин ойлен:
– Губернаторын полномочийжым шуктымо годым мылам ӱшаныме чыла пашам кӱлеш семын ышташ, Нижегородский областьысе калыкын илышыжым саемдышашлан чыла вийым да шинчымашым кучылташ товатлем.
Марий Эл Вуйлатышын администрацийжын информаций паша пӧлкажын уверже негызеш
Л.Камалетдинова ямдылен
