«Росавтодор» дене чыла соглашенийым ыштыме

9 апрельыште Марий Элым вуйлатыше Александр Евстифеев Россий Федерацийын транспорт министрже Евгений Дитрихын «Лўдыкшыдымє да сай качестван автомобиль корно» национальный проектым шуктымо йодыш дене эртарыме селекторный совещанийыште участвоватлен.

Тушто тыге палемдыме: «Корно сеть» да «Корно озанлыкым вияҥдыме общесистемный мере-влак» федеральный проект-влак дене келшышын, кызыт проект дене пашам ыштымашке ушнышо чыла субъект дене региональный проект-влакым ыштыме да нуным Федеральный корно агентствыште кутырен келыштарыме. Тений Федерацийын субъектше-влаклан федеральный бюджет гыч бюджет-влак кокласе моло тўрлє трансферт «Корно сеть» федеральный проект дене келшышын гына пуалтеш. Минтранс чыла регион дене окса огыл манме мониторинговый соглашенийым «Корно сеть» федеральный проект дене келшышын ыштен. «Росавтодор» бюджет-влак кокласе моло трансфертым пуымо нерген соглашенийым чыла субъект дене ыштен. Мемнан ыштышаш вес пашана – РФ-ын субъектше-влак деч оксам муниципальный образований-влаклан колтымо нерген соглашенийым ыштымаш, палемден Россий Федерацийын транспорт министрже Евгений Дитрих.

«Корно сеть» региональный проект дене келшышын, Марий Элыште 2024 ийлан региональный ден межмуниципальный кўлешлыкан 1070 км да Йошкар-Ола агломерацийыште 131,4 км автомобиль корно транспортный эксплуатационный норматив дене келшен толшаш.

Корно дене кылдалтше чыла тўҥ паша «Корно сеть» да «Корно озанлыкым вияҥдыме общесистемный мере-влак» федеральный проект-влак дене келшышын шукталтшаш.

Марий Эл Минтрансын данныйже почеш, тений республикыште 119,2 км корно норматив дене келшыше лиеш, тышеч 19 километрже - Йошкар-Ола агломерацийыште. Рўдолаште тыгак корнывожлам да уремласе лўдыкшє корно участке-влакым тўзаташ, 4 светофорым уэмдаш да уым шогалташ, 7 тўжем квадратный метр тротуарым шотыш кондаш палемдыме.

Региональный корнылаште коштмо правилым пудыртымым войзышо фото-видеосистеме вераҥдалтеш.