Республиклан 100 ий темме вашеш Марий Элыште «Ростелеком» кугу IT-форумым эртара.
10.12.2019
Тидын нерген Александр Евстифеев ден
вице-президент - «Волга» макрорегиональный филиалын «Ростелеком» ПАО-н
директоржо Иван Зима вашлиймаштышт мутланен келшеныт.
Компанийын Марий Элыште пашам ыштымыж нерген ойлышыжла, Иван Зима палемден: кызыт иканаште икмыняр проект илышыш пырля пурталтеш. Нунын коклаште лечебно-профилактический учреждений-влакат улыт. «Ростелеком» социально кӱлешан объект-шамычым увер сеть-влак деке ушымо пашамат шукта. - Тений 136 объектым сетьышке ушымо. Лишыл кок ий жапыште эше 323 вере ты пашам шуктыман, - палемден Иван Зима. - Ме ончыкыжым пырля пашам ыштышашлан «ушалтше точкына-влак» манмым кычалына. Мыйын шонымаште, «Лӱдыкшыдымӧ ола» кӱлешан теме дене шуктымо пашан кугытшым эшеат ешараш куатна уло, - каласен Александр Евстифеев. Вашлиймаште нуно моло йодыш шотыштат вашкылым ыштен пашам шуктышаш нерген мутланеныт. |