Москвашке паша дене мийышыжла, Марий Эл вуйлатыше Юрий Зайцев «Рӱдӧ да Юл кундем Россетьлан» вуйын шогышо «Рӱдӧ Россетьын» генеральный директоржо Игорь Маковский дене вашлийын. Нуно шыже-теле сезон кузе эртыме да республикысе электросеть комплексым вияҥдыме йодышым каҥашеныт.
Юрий Зайцев ӱшан дене каласен: ыштыме партнёр кыл Марий Элысе илышым йӧнаҥдаш полша. Таче республикыштына инфраструктур проект-влак илышыш пурталтыт, социальный объект-влак чоҥалтыт, у ола кумдык-влак ешаралтыт. Сандене пашам пырля ыштымаш республиклан кӱлшӧ задачым шуктымаште у кӱкшытыш шуаш полша.
Игорь Маковский палемден: республикысе калыклан, организаций ден предприятий-влаклан электровийым ӱшанлын да сайын ситарен шогымаш энергетик-влакын пашаштышт тӱҥлан шотлалтеш. Филиалын пашаеҥже-влак производство, тидын щотыштак энергооборудованийым план почеш олмыктымо да эскерен шогымо, дене кылдалтше чыла программым жапыштыже шуктат. Электросеть инфраструктурым уэмдыме да вияҥдыме паша умбакыже шуйна, тидыже Марий Эл Республиклан кушкашыже йӧным ышта.
Марий Эл вуйлатышын пресс-службыжын уверже негызеш Ю. Иcаков ямдылен
