Профессиональный пайремда дене!

Марий Эл Республикысе автомобильный ден оласе пассажир транспортын пагалыме пашаеҥже ден ветеранже-влак!

Тендам профессиональный пайрем дене саламлем!

Кундемын экономикыжым автотранспортын ўшанлын пашам ыштымыж деч посна вияҥдаш огеш лий. Водитель, механик, технический пашаеҥ да моло специалист-влак пассажир-влакым кажне кечын сайын да лўдыкшє деч посна шупшыкташ, грузым писын да сай качестве дене намиен шукташ, тораште улшо илем-влак дене кылым кучаш йєным ыштат.

Россий Федерацийын президентше Владимир Владимирович Путин автотранспорт комплекс элын экономикыжын стратегически кўлешан отрасльжылан тичмаш права дене шотлалтеш, элын промышленный ден технологический куатшым пеҥгыдемдымаште кугу верым налын шога манын ик гана веле огыл палемден.

Кызыт Марий Элыште кўрылтыш деч посна икшырымын кылым кучен шогымо пашам сайын виктарен колтышашлан пайдале мере ышталтеш. Оласе, пригородный да ола-влак кокласе маршрутлаште пассажирым да грузым лўдыкшє деч посна сайын шупшыкташ йєным пуышо транспортный инфраструктур уэмдалтеш.

Республикын автотранспортный отрасльышкыже пурышо предприятийлаште кок тўжемат пеле наре пашаеҥ тырша. Марий Элыште кодшо ийыште гына 7 миллион наре тонн грузым шупшыктымо, тўшкан пайдаланыме автомобиль транспортын услугыж дене 12 миллион пассажир, а оласе электрический транспортын услугыж дене 14 миллион еҥ пайдаланен. Общественный транспортын пашажым чаткан виктарен колтымо дене граждан-влакын шкем сайын шижмашышт да кумылышт пеш чак кылдалтеш.

Тиде пайрем кечын эн поро тыланымашым автомобиль транспортын ветеранже-влаклан каласыме шуэш. Нуно шке илышыштым йєратыме профессийыштлан пєлекленыт.

Автомобильный ден оласе пассажир транспортын чыла пашаеҥжылан пеҥгыде тазалыкым, ешыште чыла сайым, пайдалын пашам ышташ, тўҥалме чыла пашаште у сеҥымашым тыланем.

Марий Эл Республикым Вуйлатыше

А.А.Евстифеев

* * *

Марий Эл Республикысе автомобильный ден оласе пассажир транспортын пагалыме пашаеҥже ден ветеранже-влак!

Марий Эл Республикын Кугыжаныш Погынжыо тендан профессиональный пайрем дене саламла да кажне кечын тыршен пашам ыштымыланда, республикын транспортный инфраструктурыжы вияҥдымашке надырым пыштымыланда алал кумылын тау мутым ойла.

Кызытсе илышын ойыртемже мыланна транспортын тўрлє видше дене пайдаланаш кўлмым ончыкта, но эн кумдан пайдаланыме видшылан, мутат уке, автомобиль транспорт шотлалтеш, тудын дене элыште кажне кечын миллионло тонн грузым, ятыр шўдє тўжем пассажирым шупшыктат.

Чот вияҥше автотранспорт отрасль кызыт экономикын чыла отрасльжын пайдалын пашам ыштымаштыже кугу верым налын шога, тудо кугу инвестиционный ден социальный проект-влакым илышыш шыҥдараш йєным ышта.

Автомобильын пеш чот шукем толмыжо, да, мутат уке, корнылаште нунын шукеммышт пассажир-влакын да корно дене пайдаланыше моло участник-влакын лўдыкшыдымылыкышт, грузым шупшыктымо качестве шотышто водитель-влакын ответственностьыштым кугемдымашке шуктат, нуным утларак тўткє да чытыше лияш таратат.

Пайрем вашеш Марий Эл Республикын транспорт отрасльжын ветеранже-влаклан поснак кугу таум каласыме шуэш. Тендан профессиональный порыслан ўшанле улмыда, кугу мастарлыкда автомобилист-влакын самырык тукымыштлан чапле примерлан шотлалтыт.

Кугыжаныш Погын Марий Эл Республикысе автомобильный ден оласе пассажир транспортын чыла пашаеҥжылан пеҥгыде тазалыкым, илышыште чыла сайым, корнышто ваш-ваш пагалымашым, пашаште у профессиональный сеҥымашым тылана.

Марий Эл Республикын Кугыжаныш Погынжын Председательже

А.В.Смирнов