Президентын кўштымыжє жапыштыже шукталтеш

​Марий Элым вуйлатыше Россий Федераций президентын кўштымыжым шуктымо теме дене совещанийым эртарен. Тидын годым терген шогымо пашам виктарен колтымо йодышлам, тыгак ты пашам шуктымо шумлык тенийлан планым каҥашеныт.

Александр Евстифеев тыге палемден: элым вуйлатышын шындыме задачым сайын шуктен толмо пашам республикыште пеш кўлешанлан шотлат. Кугыжанышым вуйлатышын кўштымыжым жапыштыже да тўрыснек шуктымылан поснак кугу тўткыш ойыралтеш.

Марий Эл Республикым вуйлатышын администрацийжым вуйлатышын алмаштышыже, контрольный управлений начальник Елена Паршина кодшо ийын итогшо почеш 2019 ий 1 январьлан шуктыдымо поручений уке манын увертарен.

Отчетный жапыште Марий Эл Республикым вуйлатышын кўштымыж дене келшышын, Россий Федераций президентын порученийжым да Россий Федераций правительстве председательын 291 кўштымашыжым пуртыман 55 переченьым контрольыш налме, нуным кунам шуктышашым рашемден палемдыме. Чыла кўштымым палемдыме жапыште контроль гыч кораҥдыме.

Совещанийын пашажым иктешлышыжла, Марий Эл Республикым вуйлатыше Александр Евстифеев шындыме задаче-шамычым ончыкыжат жапыштыже шуктен толаш мутланымаште лийше-влакым ўжын ойлен да нуным кўлеш семын огыл шуктымылан мутым кучымо нерген шижтарен каласен.