Республикын прокуратуржо 100 ий теммым палемден. 29 сентябрьыште тиде ведомствыште ты юбилейлан пӧлеклалтше торжественный мероприятий эртен.
Марий Эл вуйлатыше Юрий Зайцевын лӱмжӧ дене прокуратурын пашаеҥже ден ветеранже-влакым республикын правительстве председательжын икымше алмаштышыжын пашажым шуктышо Евгений Кузьмин саламлен.
– Прокуратур орган-влак законностьым да правопорядкым пеҥгыдемдымаште шке посна назначенийыштым чарныде пеҥгыдемдат. Тендан радамыште кӱкшӧ квалификациян юрист-шамыч, шке пашаштышт чын профессионал-влак тыршат. Нунылан порыс, чап да чынлык – тиде тыглай мут гына огыл, а илыш принципышт, – ойлалтеш Юрий Зайцевын саламлымаштыже.
Посна тауштымо мутым регион вуйлатыше кызытсе пашаеҥ-влаклан гына огыл, тыгак республикым вияҥдымашке надырым пыштыше чыла ветеран-влаклан ойлен.
– Ӱшанем, тендан кокла гыч кажныже умыла: таче эн кӱлешаным – тынысым, ласкалыкым да икшырымын вияҥмашым – арален кодымаш эн тӱҥ. Тыланда тазалыкым, пиалым, эрласе кечылан ӱшаным да Марий Эл Республик ден Россий Федераций верч тыршымаште у профессионал сеҥымашым тыланем, – лудын Евгений Кузьмин.
Пашаштым сайын шуктымыштлан тиде мероприятийыште кок еҥлан Марий Эл Республикын Чап грамотшым кучыктеныт.
Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен
