Полыш жапыштыже лийшаш

Республикысе ялозанлык пашаеҥ-влак тений сай лектышан шурным поген налыныт да тудым ужалыме шотышто нелылыкым шижыт. Ты шотышто нунылан полыш лиеш. Тыге кўштен Марий Эл вуйлатыше Александр Евстифеев ялозанлык да продовольстивй министр Александр Гречихолан вашлийын мутланымыж годым.

- Мый дечем икмыняр фермер шурным ужалаш полшаш йодын. Тидлан тўткышым ойырыза. Ялозанлык пашаеҥна-влак министерстве деч сатуштым налше-шамычым кычалаш полшаш йодыт. Умылтараш неле огыл: фермер-влакын складышт пеш шагал але йєршеш уке. Поснак вожсаскам аралыме шотышто нелылык уло. Нуно телым ынешт арале, сандене йўштє жап толмеш ужалыме йодышым шуяш огеш кўл, - каласен Марий Эл вуйлатыше ялозанлык да продовольствий министр Александр Гречихолан.

Александр Евстифеев республикыште шурным поген налме тургым кузе эртыме нерген каласкалаш йодын.

- Тачылан шурным поген налме тургым кузе кайыме поснак кўлешан. Паша кузе ушна, нелылык уло мо? – рашемден Марий Эл вуйлатыше.

Ялозанлык да продовольствий министр увертарен: тений, неле игече условийым ончыде, ончылгоч шотлен лукмо почеш, республикысе мланде пашаеҥ-влак 260 тўжем тонн пырчым (бункер нелыт дене шотлымаште) поген налыныт. Гектарлан шотлымаште кокла лектыш 23 центнерыш шуэш. Таҥастарена: 2018 ийыште 253 тўжем тонн пырчым шийме, гектарлан шотлымаште 20,6 центнер дене лектын. Александр Гречихон шонымыж почеш, чапле лектышан шурным минеральный ўяҥдышым кучылтмылан да сай сорт ялозанлык культурым шукырак вераҥдымылан кєра ончен куштымо.

- 2018 ий дене таҥастарымаште минеральный ўяҥдышым 20 процентлан шукырак лукмо. Сай сортым ўдымє кумдык 30 процентлан кугемын, - рашемден ялозанлык да продовольствий министр. – Пакчасаска шотышто. Пареҥгым кызыт марте 46 тўжем тонным лукмо, гектарлан шотлымаште кокла лектыш – 243 центнер. Пакчасаскам 5,6 тўжем тонным погымо, гектарлан шотлымаште кокла лектыш – 263 центнер. Пареҥге ден пакчасаска лектыш 2018 ий дене таҥастарымаште 30 да 37 процентлан кугурак, - ешарен Александр Гречихо.

Технический ден ўйлык кушкылым умбакыже погат. Рапсым 1,8 тўжем гектар гыч поген налме, чылаже 2,4 тўжем тонным шийме. Долгунец-йытыным 495 гектарыште кўрмє.

Вольыклан чоштыра да нєрє кургым кўлеш наре ямдылыме. Ик условный вуй вольыклан шотлымаште 20 центнер кормам шапашлыме. Кызыт кукурузым погат. Тудым 3,4 тўжем гектарыш вераҥдыме.

Кокияш культурым жапыштыже ўден кодымо. Чылаже 37 тўжем гектарыш вераҥдыме. Тидыже кодшо ийысе нарак. Кызыт мландым кылмаш куралыт. Кызыт марте 37 тўжем гектарыште кашым савырыме, икияш шурнын урлыкашыжым 18 тўжем тонным ямдылыме, кокияш культурын куснылшо фондшын урлыкашыжым – 6,5 тўжем тонным. Тидыже планын 80 процентше лиеш. Озанлыклаште урлыкашым умбакыже ямдылат.