Погын пайдалын эртен

Марий Элым вуйлатыше Александр Евстифеев «Единый Россий» партийын ХIХ съездше пытыме деч вара Марий Элыште нацпроект-влакым шуктымо шотышто правил ден требований тўрыснек шукталтыт манын каласен. Тиде погынышто Россий Федерацийын президентше Владимир Путин ден РФ правительствын премьер-министрже Дмитрий Медведев ойленыт.

Кугыжанышым вуйлатыше тыге палемден: партийын тўҥ задачыжлан Российым умбакыже вияҥдаш йєным пуышо национальный проект-влакым илышыш шыҥдарымаш шотлалтеш. Еҥ-влак илышыштышт сай вашталтыш лиймым шижын шуктышт, тўшка вий дене шуктымо тиде пашаште шкеат участвоватлышт, мемнан тўшка вий дене тыршыме пашанан айдемын илышыжым саемдымашке виктаралтмыжым ужышт манын, чыла национальный проект почеш шинчалаш койшо вашталтышым ыштымашке шуаш тыршыман, каласен Российын президентше.

Александр Евстифеев массовый информаций средстве-влакын представительыштлан пуымо интервьюштыжо национальный проект-влакын кўлешлыкышт да Россий правительствын шындыме пеш кўлешан задаче-влакым шуктымаште «Единый Россий» партийын рольжо нерген каласкален. Тидын годым Александр Евстифеев Марий Элыште нацпроект-влакым илышыш шыҥдарыме шотышто чыла правил ден требований тўрыснек шукталтыт манын палемден.

«Единый Россий» партийын ХIХ съездыштыже Марий Элын делегацийже пайдалын пашам ыштен. Погын эртыме жапыште  Марий Элым вуйлатыше РФ президентын Кугыжаныш советын пашажлан йєным ыштыше управленийжын начальникше Александр Харичев, Свердлов областьын губернаторжо Евгений Куйвашев да Кугыжаныш Думын законодательстве комитетшын председательже Павел Крашенинников дене вашлийын мутланен.