Пайремышт дене саламленыт

Суд пристав-влак профессионал пайремыштым палемденыт.

Тидлан пӧлеклалтше торжественный погынымаш 1 ноябрьыште Йошкар-Оласе Ленин лӱмеш тӱвыра полатыште эртен. Республик вуйлатыше Александр Евстифеевын лӱмжӧ дене Суд пристав-влакын Федеральный службыштын Марий Элысе управленийжын пашаеҥже ден ветеранже-влакым Марий Элын министрже - республик вуйлатышын полномочный представительже Николай Коротков саламлен.

Пайремыште службын вич пашаеҥжым Марий Эл вуйлатышын Тауштымашыж дене палемденыт.