Пайрем дене саламлен

Тудо тазалыкым, пашаште кугу кўкшытыш шуаш тыланен да республикыште илыше-влак Марий Эл кумдыкышто тыгай дивизий улмо дене кугешнат манын палемден.

- Воин-ракетчик-шамыч фронтовик-влакын геройло йўлаштым умбакыже шуят да кушшо тукымлан сай пример улыт, - каласен Александр Евстифеев.

Дивизий командир генерал-майор Виталий Тарасов РФ обороно министр Сергея Шойгун приказшым лудын пуэн.

Тыгак Марий Элым вуйлатыше Александр Евстифеев рўдоланан Сеҥымаш паркшым 14 ий сылнештарыше Т-55 танкым уэш кудалышташ йӧршын олмыктымым ужын. Танкым 2006 ийыште Пенза областьысе Сердобск олаште улшо вооруженийым да техникым аралыме базе гыч Йошкар-Олашке конденыт да постаментыш вераҥденыт.  А тений тудын ходовой ужашыже-влакым тӧрлатеныт да парадный расчетын составышкыже пурташ лийыныт.

Ракетный дивизийын автомобильный службыжын начальникше капитан Динар Саматовын каласкалымыж почеш, тиде пашам Марий машиностроительный завод да Чоҥымаш механизаций управлений дене пырля шуктеныт.

Пытартышлан военный оркестр Россий Федерацийын гимнжым шоктен да ракетный дивизийын войскаже-влак торжественный марш дене эртеныт.