Марий Эл вуйлатыше Юрий Зайцев Росгвардийын Марий Элысе управленийжын пашаеҥже ден военнослужащийже-влаклан наградым кучыктен.
Республик вуйлатыше общественный да кугыжаныш лӱдыкшыдымылыкым ыштымаште нунын профессионализмыштым палемден да пашаштлан тауштен.
– Палем, тендан кокла гыч шукынжо Новороссий кундемыште, у регионлаште независимостьым аралымаш верч тыршат. Правопорядкым да мемнан граждан-влакым аралымаште те ончыл радамыште шогеда. Исполнительный кучем эре воктеныда. Ме улшо да решатлаш кӱлшӧ неле йодышдам рашемдымаш деч ӧрдыжеш огына код, – каласен Юрий Зайцев.
Регион вуйлатыше Росгвардийын региональный управленийжын «Таир» спецподразделенийжын пашаеҥжылан кокымшо саммитым, «Россия-Африка» экономический да гуманитар форумым ямдылаш да эртараш полшымашке кугу надырым пыштыжлан Россий президентын Тауштымашан серышыжым кучыктен.
Тыгак пашаштышт кугу кӱкшытышкӧ шумыштлан икмыняр пашаеҥ ден военнослужащий «За заслуги перед Марий Эл» орденын медальже да республикысе правительствын Тауштымашан серышыж дене палемдалтыныт.
Росгвардийын Марий Элысе управленийжын начальникше полиций полковник Александр Голуб пашаеҥ ден военнослужаший-влакын пашаштлан кӱкшӧ акым пуымыжлан республик вуйлатышылан тауштен.
Марий Эл вуйлатышын пресс-службыжын уверже негызеш Л.Камалетдинова ямдылен
