25 декабрьыште Марий Эл Республикын Антитеррористический комиссийже ден Оперативный штабшын пырля эртарыме иктешлыше совещанийышт лийын. Тудым Марий Элым вуйлатыше Юрий Зайцев эртарен.
Антитеррористический комиссий ден Оперативный штабын членышт У ий ден Рошто пайрем-влакым да Россий Федерацийын президентшым сайлымашым лӱдыкшӧ деч посна эртараш йӧным ыштыме шумлык мерым каҥашеныт.
Марий Эл Республикын эл кӧргӧ паша министрже Андрей Вырвич Уий ден Рошто пайремлам эртарыме годым правопорядкым кӱлеш кӱкшытыштӧ кучымо шотышто чыла ыштыме манын.
Заседанийыште тыгак Россий Федерацийыште терроризм идеологий ваштареш кучедалме комплексный планын мероприятийже-влакым шуктымо шумлык паша лектышым лончыленыт, Антитеррористический комиссийын пашажым иктешленыт да шушаш ийлан паша планжым пеҥгыдемденыт.
Ты кечынак Антинаркотический комиссийын заседанийже лийын. Тудымат Марий Элым вуйлатыше эртарен. Туштат тенийсе пашам иктешлыме да 2024 ийлан паша планым каҥашыме.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
