Пашаче вашлиймаш

Александр Евстифеев республикын Кугыжаныш Погынжын председательже Анатолий Смирнов дене вашлийын, тидын годым нуно Марий Элыште илыше-влакым социально-правовой йєн дене  аралымашке виктаралтше  региональный законодательствым умбакыже  вияҥдыме нерген  мутланеныт.

Марий Элым вуйлатыше кызыт  исполнительный ден законодательный  кучем-влакын  пырля пашам ыштымаштышт тўҥ верыш Россий президент  Владимир Путинын  майысе указше-влакым шуктымаш, тидын шогыштак кугыжанышым  вуйлатышын тўҥалтышыж почеш илышыш шыҥдаралтше  нацпроект-влакым шуктымаш, лектеш манын каласен.

«Анатолий Васильевич, тендам Марий Эл Республик Кугыжаныш Погын председатель должностьыш сайлалтмыда дене  эше ик гана саламлем. Законым ямдылыме пашаште погымо поян опытда тыланда  у постышто полша манын ўшанем. Республиканский парламентым  вуйлатымаште  тендан икымше ошкылда  могайрак?» манын йодын Александр Евстифеев.

Республикын Кугыжаныш Погынжын председательже Анатолий Смирнов  парламентын пашаштыже  тўҥлан законодательный пашам  федеральный законодательстве дене келшышын умбакыже саемдымаш шотлалтеш манын  вашештен.

Марий Элым вуйлатыше тыге палемден: исполнительный ден законодательный  кучем-влакын ваш келшен пырля пашам ыштымышт республикым ўшанлын вияҥден толмо пашан  негызшылан шотлалтеш. Тудо республикын правительствыж ден  Марий Эл Республикын Кугыжаныш Погынжо ончыкыжат поро кумылын да пайдалын  пырля пашам ышташ тўҥалмыштлан ўшынымыжым ончыктен.