15 августышто Марий Элым вуйлатышын пашажым жаплан шуктышо Юрий Зайцев Росреестрын Марий Элысе управленийжым вуйлатыше Аркадий Белкин дене пашаче вашлиймашым эртарен.
Вашлиймаште Россий Федерацийын «Пространственный данный-влакын национальный системышт» кугыжаныш программыжым шуктен толмо йодышлам, тыгак документ-влакым ямдылыме целевой модельын показательлашкыже шумо, кугыжаныш кадастр учётыш налме, вер гыч верыш кусараш лийдыме погын объектше-влакым собственностьыш налме правам регистрироватлыме йодыш-влакым ка‰ашыме.
Управленийым вуйлатыше Марий Элым вуйлатышын пашажым жаплан шуктышо Юрий Зайцевлан регионышто мланде да вер гыч верыш кусараш лийдыме пого шотышто паша кузе каен шогымо нерген каласкален.
Мутланыме годым 2022-2024 ийлан Марий Эл Республикыште «Вер гыч верыш кусараш лийдыме погын единый кугыжаныш реестржым кўлешан сведений дене пойдарымаш» проектым илышыш шы‰дырыме пашалан поснак кугу тўткышым ойырымо.
Марий Элым вуйлатышын пашажым жаплан шуктышо ЕГРН-ысе данный-влакын качествышт да тичмаш улмышт регионын инвестиционный, экономический да социальный илышыжлан изи огыл влиянийым ыштен шога манын палемден.
Росреестрын Марий Элысе управленийжым вуйлатыше Аркадий Белкин тыгерак рашемден каласен: ЕГРН-ыште чын сведенийын улмыжо вер гыч верыш кусараш лийдыме пого дене сделкым ыштыме годым собственностьым арален кодаш, инвестиционный проект-влакым шукташ, вер гыч верыш кусараш лийдыме кучылталтдыме пого объект-влакым правовой оборотыш колташ йєным пуа.
Вашлиймашын итогшро почеш вел-влак республикын правительствыж ден Росреестрын управленийже коклаште поро шўлыш дене умбакыже пырля пашам ышташ кутырен келшеныт.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
