Палемдымым шукташ полышат кўлеш
22.03.2019
Марий Эл Республикым вуйлатыше Александр Евстифеев 20 мартыште Москваште икмыняр официальный вашлиймашым эртарен. Тышеч иктыже – Россий Федераций правительстве пєртыштє Анатолий Кириенко дене вашлиймаш. Александр Евстифеев Россий Федераций правительстве аппаратым вуйлатышын алмаштышыжым национальный проект-влакым шукташ республикын ямде улмыж дене палдарен. Вашлиймаште РФ-ын субъектшын бюджетшылан национальный проект-влакым шукташ субсидийым пуымо нерген соглашенийым ыштыме йодышым каҥашеныт. Анатолий Кириенко дене мутланыме годым республикым социально-экономически вияҥдыме моло йодышымат тарватыме. Ушештарена: проектный пашам виктарен колтымо радам дене келшышын, Марий Элыште федеральный проект-влакын цельышкышт, показательышкышт да результатышкышт шумашке виктаралтше 51 региональный проектым пеҥгыдемдыме. Нуным 2019-2024 ийлаште шукташ палемдыме. Финансированийын чыла источникше кўшеш 53,9 миллиард теҥгем, тидын шотыштак федеральный бюджетын средстваж кўшеш 28,8 миллиард теҥгем, ушаш палемдыме. |