|
Пале ошкылым ыштыме
18.02.2020
Округышто
луктын шогымо «Вестник. Поволжье» журналыште Марий Эл вуйлатыше Александр
Евстифеев деч налме интервьюшто республикын кодшо ийысе пашаж дене палдарыме.
2019 ийыште республикнан экономикыже пале ошкылым ыштен. Промышленный производство ончылийысе деч 8 процентлан кушкын, тидыже - Юл кундем федерал округышто 1-ше результат. Ялозанлык сатум ыштен лукмаш кушмо шот дене округышто 2-шо да Россий Федерацийыште 10-шо верым налме. Кундемнам у кӱкшытыш нӧлталаш полшышо ошкыл радамыште Йошкар-Оласе аэропортын угыч пашам ышташ тӱҥалмыжым ончыкташ лиеш. Кызытеш Москва ден Санкт-Петербургыш авиарейслам почмо, ончыкыжо элнан кечывалвел кундемлашкыже юж корно лиеш. Тидыже ӧрдыжкӧ чонештылаш веле огыл, мемнан декат ӧрдыж гыч турист-влаклан толашышт йӧным кумдаҥда. Пытартыш жапыште ты шотыштат пале ошкыл ышталтын. Национальный проектла кӱшеш тӱвыра да социальный илышыште, тазалыкым аралымаште, корным чоҥымаште да олмыктымаште кугу паша шукталтын. Тенийланат ты шотышто план кугу. Марий Эл вуйлатыше чыла тидым республикнам вияҥдыме да калыкнан илышыжым саемдыме дене кылден. |
Пале ошкылым ыштыме
