Пачерышке – тошкалтыш дене кўзыде

​Тений республикын кучемже тулык да ача-ава ончымо деч посна кодшо йоча-влаклан 152 пачерым ойырен, тидыже кодшо ий тыгаяк жап деч 30 процентлан шукырак.

Идалык мучаште, 25 декабрьыште, Черняков уремыште верланыше у пєртысє пачер сравочым 53 еҥлан торжественно кучыктымо. Пачер озавлакым Марий Элым вуйлатыше Александр Евстифеев саламлен.

«Тиде цельлан финансированийым 69 процентлан кугемденна. Тений 105 миллион теҥгем кучылтынна, тышечын ныллыжым федеральный бюджет ойырен. Шушаш ийынат тудын деч 42 миллион теҥгем налаш шонена. Мемнан финансированийымат кугемдена. Чыладамат шушаш У ий дене саламлем. Пиалым, сай илышым тыланем», – манын тудо.

Регионым вуйлатыше икмыняр пачерым ончен. Кажныжым сайын олмыктымо – тачак илаш пураш лиеш. Тылеч посна икымше пачашыште ойыртемалтше планировкым ыштыме, молан манаш гын ик пачерым инвалидўдырлан келыштарыме.

«Тиде подъездыште чыла пачер ик пєлеман. Кумдыкышт гына тўрлє: 28 гыч 44 квадрат метр марте. Пєртыш тул датчикым, инвалид, коляскан да грузан моло еҥ-шамычлан йєнанрак лийже манын, нулевой пачашыште шогалше лўмын оборудоватлыме лифтым шындыме», – рашемден оралтым чоҥышо Ярослав Михеев.

Тулык да ача-ава ончымо деч посна кодшо йоча-влаклан пачер Россий Президентын ик указше почеш ойыралтеш.