Марий кугыжаныш университетлан тений 25 ноябрьыште 50 ий темеш. Таче тудо 100 утла специальностьлан туныктен луктеш. Тенийысе тунемме ий гыч вузышто 9,5 тӱжем студент шинчымашым погаш тӱҥалын. Марий Элым вуйлатышын пашажым жаплан шуктышо Юрий Зайцев нуным Шинчымаш кече дене саламлен.
«Сеҥымашым тыланем, тыршен тунемза да мом пуат – чыла налза. Университетыште темлыме профессийлан тунемаш лийында – тугеже тидым шонен ыштенда, тугеже чын патриот, сай специалист, профессионал лийыда да мемнан Российлан да Марий Эл уло чон дене пашам ышташ тӱналыда манын ӱшанем», – каласен тудо.
«Корным шкан шке ойыренда гын, чарнен ида шогал – ончыко кайыза да пашаштыда профессионал лийза», – каласен Совет Федераций председательын алмаштышыже, Марий Эл кугыжаныш кучемжын исполнительный органже деч представитель Константин Косачёв.
Марий кугыжаныш университетын ректоржо Михаил Швецовын мутшо почеш, тений икымше курсыш 2100 бюджет верыш студент-влакым тунемаш налме, тиде – рекорд. «Россий Федерацийлан, регионлан кӱлешан задачым шукташ эре ямде улына», – каласен тудо.
Марий Эл Республикым вуйлатышын организаций да аналитике виктемжын уверже-негызеш Г.Кожевникова ямдылен
