Нацпроект – пеш кугу куат

​19 февральыште Марий Эл Республикым вуйлатыше Александр Евстифеев республикысе Общественный палатын заседанийыштыже лийын. Тушто палатын кодшо ийысе пашажым иктешлыме да 2019 ийлан паша планым каҥашыме.

Александр Евстифеев Общественный палатын еҥже-влакым национальный проект-влакым шуктен толмашке утларак чулымын ушнаш ўжын ойлен.

«Мый национальный проект-влакын секторыштым рашемден палемдымаште Общественный палатын кузерак тыршымыж нерген тендан деч нимом ышым кол. Аза колымаш, онкологий, образований дене кылдалтше йодыш, ондалалтше дольщик-влак да аварийный илыме вер, больнице ден туныктымо учреждений-влакым олмыктымо шумлык проблемыла дене пашам ышташ кўлеш. Кушто могай проблеме улмым, могай районлан полшаш кўлмым тендан деч колмо шуеш ыле», – палемден Марий Элым вуйлатыше да пашам ыштыме планым тєрлаш, тидын годым кўшнє темлыме ойым шотыш налаш кўлмє нерген каласен.

Экономике, бюджетым чумырымо, политический чулымлыкым ешарыме да республикыш инвестицийым кондымо велым аклымаште нацпроект-влак – моткоч кугу вий-куат, тудо республикын талукаш кокла бюджетше деч ятыр пачаш кугу. Сандене мый тиде темылан поснак кугу тўткышым ойыраш ўжам, палемден Александр Евстифеев.

Марий Эл Республикым вуйлатыше пытартышлан Общественный палатын членже-влаклан кодшо ийыште тыршен пашам ыштымыштлан таум каласен, тыглай еҥ ден республикын исполнительный кучем органже-влак коклаште кылым пеҥгыдемдымаште палатын кўлешан пашам шуктен шогымыжым палемден да ончыкыжат пайдалын пашам ышташ тыланен.