Национальный проект – пеш кўлешан паша

15 сентябрьыште Марий Элым вуйлатыше Александр Евстифеев «Марий Эл Республикысе муниципальный образований-влакын советышт» ассоциацийын членже-влакын тўшка погынымаштышт лийын. Муниципалитет-влак элын президентшын республик ончылно шындыме задаче-влакым решатлыме паша деч єрдыжтє кодшаш огытыл. Эн ончычак тиде – национальный проект-влакым илышыш шыҥдарымаш, каласен тудо.

Ассоциацийын членже-влакын тўшка погынымашышт Конгресс полатыште эртен, тушко 120 утла еҥ погынен.

Республикыште илыше кажне еҥ палышаш: национальный проект-влак ала-могай шонен лукмо мероприятий огытыл. Тиде – чынже денак тєрлен олмыктымо ятыр километр корно, чоҥен шуктымо йочасад ден школ, уэмдыме больнице, пужен ыштыме культур пєрт-влак да шуко молат. Тидын нерген избирательда-влаклан каласкалыза. Национальный проект-влак шотышто шке кундемыштыда шукталтше пашам шинча ончылно кучыза, тыге ўжын ойлен вашлиймашке погынышо-влакым Александр Евстифеев.

Кызыт Сеҥымашын юбилейже вашеш эн сай муниципальный образований лўм верч конкурслан ямдылалтме паша шукталтеш. Тиде пашашкат чулымын ушныза. Ме тыгак Марий Элын шўдє ияш лўмгечыжым достойнын вашлияш ямдылалтына. Чыла тидыже тендан пашашкыда у шўлышым пуртышаш, палемден республикым вуйлатыше.

Тений 8 сентябрьыште Марий Элыште Кугыжаныш Погыныш да верысе кучем органлашке сайлымашым эртарыме. Тидлан кєра ассоциацийын членже-влакын тиде погынымаштышт тўрлє темым, тидын штыштак организационный йодыш-влакым каҥашыме.

Кечывал деч вара муниципальный образований-влакын вуйлатышыштлан правовой тунеммашым эртарыме, тушто муниципальный образований-влакын бюджетный полномочийышт, верысе самоуправлений орган ден гражданский обществын институтшо-влак кокласе кыл нерген да икмыняр моло йодышым каҥашыме.