21 декабрьыште Марий Элым вуйлатыше Юрий Зайцев «Защитники Отечества» фондыш миен коштмыж годым военнослужащий-влак дене вашлийын мутланен да СВО гыч пӧртылмеке еҥ-влакым военный службыш контракт почеш ойырен налме пунктышто пашам ышташ ойым пидше-влаклан наградым кучыктен.
СВО-н участникше-влаклан полшен шогымым республикын правительствыже пеш кӱлешан пашалан шотла, каласен регионым вуйлатыше.
Лейтенант Антон Сычев ден прапорщик Алексей Князев воинский ден служебный порысым шуктымо годым патырлыкым, чолгалыкым ончыктымыштлан да шкем чаманыде тыршымыштлан Россий Федерацийын президентшын указше почеш Жуков медаль дене наградитлалтыныт.
Рӱдер вий войскан группировкыжын командующийжын приказше почеш прапорщик Сергей Зверев, сержант-влак Сергей Славнин, Игорь Унженин, Максим Цаплий да Максим Чирков, младший сержант-влак Сергей Чулков, Алексей Яковлев да Артём Яшкин «Участник специальной военной операции» медаль дене палемдалтыныт.
Юрий Зайцев военнослужащий-влаклан патырлыкым ончыкытымыштлан де пеҥгыдын шогымыштлан тауштен.
Республикым вуйлатыше ветеран организаций-влакын помещенийыштым ончен савырнен, нунын вуйлатышышт, «Защитники Отечества» фондын паралимпийский командыжын членже-влак дене мутланен.
Пытартышлан Юрий Зайцев «Ёлка желаний» акцийыш ушнен, у ий кож гыч кум шарым налын.
8 ияш Габрахманов Азат радио полшымо дене виктарыме камеран квадрокоптер нерген шонкала, 11 ияш Роман Григорьев воштырдымо волгалтше наушникан лийнеже, а 12 ияш Роксана Ортина творчестве наборым пӧлек шотеш налнеже.
Марий Элым вуйлатыше йоча-влакын кумылыштым шукташ сӧрен.
Марий Эл Республикым вуйлатышын администрацийжын информаций паша пӧлкажын уверже негызеш П.Шакиров ямдылен
