Май пайрем вашеш почылтеш

​Йошкар-Олаште илыше еҥ-влакын  вуйым шийын возымыштлан кєра Александр Евстифеев рўдолан  ик паркышкыже миен коштын. Тудым Политический репрессийын жертвыже-влакым шарныме мемориальный комплекс  манашат лиеш. Тиде объект «2013-2020 ийлан Марий Элын культуржо» кугыжаныш программе дене келшышын ышталтын.

Тудым Йошкар-Олаште илыше ден  уна-влак Г.Константинов лўмеш  руш Академический  драме театр  воктенысе сквер семын палат. Тушто  аллейым шындыме, теҥгыл-влакым вераҥдыме. Пужен уэмдыме деч вара печен налме да часамлам чоҥымо. Туге гынат тиде сквер але марте тўкылымаште кучалтеш.

Марий Элым вуйлатыше тиде объектым ончен савырнымекше, тыге каласен: мемориал комплекс рўдолан покшелныжак верланен, тудым петырен шинчыктыман огыл. Олаште илыше-влак тиде паркыш пурен коштын кертшаш улыт. Александр Евстифеев Йошкар-Олан мэржылан тушто кўлешан чыла пашам май марте шукташ кўштен.  Евгений Маслов  кўштымым ола озанлыкын вийже дене жапыштыже шукташ сєрен.