Волжск оласе 12-шо №-ан пожарно-утарыше частьын тунемме- тренироватлалтме комплексыштыже пожарно-утарыме спорт дене Марий Элын чемпионатше эртен.
Тушко Россий МЧС-ын Марий Элысе Тӱҥ управленийжын подразделенийласе командышт ушненыт. Таҥасымаш кок ужаш гыч шоген. Икымшыште 10 метр кужытан тӧрсыран полосам эрташ кӱлын. Тушто кӱкшӧ пече гоч вончаш, пырня ӱмбалне куржаш, вӱдым йӧрташ кучылтмо арвер дене пайдаланен моштымым ончыкташ логалын. Кокымшо кужытышто участник-влак штурмовой тошкалтыш дене тунемме башньын нылымше пачашышкыже кӱзеныт. Судья-влак секундомер дене спортсмен-влакын кажне ошкылыштым, тыгак тӧрсырым эртыме техникыштым эскереныт.
Икымше верым Йошкар-Оласе специализироватлыме пожарно-утарыше часть сеҥен налын. Ший медаль Тӱҥ управленийын командыжлан логалын. Кумшо верыш Тӱҥ управленийын 4-ше пожарно-утарыше отрядше лектын. Россий МЧС-ын Марий Элысе Тӱҥ управлений начальникын алмаштышыже Александр Мельниковын палемдымыж почеш, тений спортсмен-влак ӱмашсе деч сайрак лектышым ончыктеныт А тиде участник-влакын мастарлыкыштым шуарен толмышт нерген ойла.
С.Носова
