Марий Элыште ыштыме

Тыгай выставке-ярмиҥга 2019 ий 16 майыште «Марий Эл» Ий полатыште лиеш. Тудо «Российын эн сай 100 сатужо» Россий кўкшытан конкурс программын региональный этапше кышкарыште эртаралтеш.

Выставке-ярмиҥган организаторжылан Марий Эл Республикын Промышленность, экономический вияҥмаш да торговльо, Ялозанлык да продовольствий министерстве-влак, «Марий ЦСМ» ФБУ ден Марий Эл Республикын Торгово-промышленный палатыже шотлалтыт.

Выставке-ярммиҥгам эртарыме тўҥ шонымаш – республикысе предприятий-влакын ыштен лукмо сатушт велыш калыкым утларак мелын савыраш. Республикын правительствыже верысе производитель-влакын сатуштым потребительский рынкыш лукмо политикым чолган эртара. Республикыштына ыштен лукмо продуктын кевытласе полыклаште улмыжо экономикым вияҥдыме ик эн кўлешан ужашлан шотлалтеш да республикынан сай могырыш вашталтмыжым ончыкта.

«Марий Элыште ыштыме» выставке-ярмиҥгаште промышленный предприятий, переработко, потребкоопераций ден индивидуальный предприниматель-влак, розничный торговльо ден общественный питаний предприятий-шамычын вуйлатышышт ден еҥышт лийыт. Тыгак Retail Group Х5 Юл кундем филиалын сетьшын («Перекресток» супремаркет, «Пятерочка» универсам-влак), Миддл Юл СПАР компанийын («SPAR» ужалыше сеть), «Тендер» АО-н («Магнит» универсам-влак), «Лента» ООО («Лента» гипермаркет), «Оптовик» ООО-н («Эссен» ужалыме рўдер) еҥышт лийыт.

Выставке-ярмиҥгаште республикыштына лукмо шуко продукцийым, нунын экспозицийыштым, прайс-листыштым да образецыштым ончыкташ тўҥалыт. Республикысе кыдалаш профессиональный тунемме заведенийлаште тунемше-влак модный вургем коллекцийым, парикмахер искусство шотышто мастер-классым ончыктат. Мероприятий кышкарыште Марий Элыште ужалыме пашам вияҥдыме, верысе сатум ыштен лукшо-влакын сатуштым утларак ужалыме йодыш дене координационный ушемын заседанийжым эртараш палемдыме.