Марий Эл Республикын вуйлатышыже Александр Евстифеев Военно-Теҥыз флотын кечыж дене саламлена

Офицер, мичман, старшина да матрос-влак! Флотын пагалыме ветеранже-шамыч! 

Тендам Военно-Теҥыз флотын кечыж дене саламлем! Тиде лӱддымӧ, патыр, кугу кӧргӧ виян, шочмо элыштым йӧратыше, флотышто служитлымылан уло илышым пӧлеклыше, теҥыз чеклам ӱшанлын оролышо да кеч-могай татыштат тыныс калыкым аралаш ямде улшо-влакын пайремышт.

Россий флотын историйже поян. Военный моряк-влак, теҥызлаште элнам аралымышт годым ийла дене порысыштым кӱлеш семын шуктат.

Республикна гыч лекше адмирал-влакын лӱмышт Российын сеҥымашыж дене кылдалтше книгашкыже курымешлан возалтыныт. Кугурак тукымын опытшылан самырык моряк-шамыч кумылын эҥертат. Марий Элын призывникше-шамыч, кажне кечын пеҥгыдылыкым ончыктен, Военно-Теҥыз флотын войскалаштыже кӱлеш семын служитлат. Самырык тукымлан патриотизм шӱлышым шыҥдарымаште «Паллада» парус клубын надырже кугу. Тудо президентын грантшымат сеҥен налын. Марий Элын юнгыжо-влак «Артек» тӱнямбал лагерьын «Самырык корабел-шамычын школышт» проектышкыже чолган ушненыт да, «Шнуй Косма» парусникым ыштымеке, мӱндыр походыш тарваненыт.

Тиде пайрем кечын тыланда пеҥгыде тазалыкым, ешыште чыла сайым да ончылно шындыме задачым шукташ да Россий Федерацийын Военно-Теҥыз Флотым чапландарен у кӱкшытыш шуаш тыланем! Мӧҥгӧ деч мӱндырнӧ улмыда годым тек эреак пеленда серыште вучышо йӧратымаш лиеш!