Марий Эл Республикын кугыжаныш пайремже – Тиште кече – дене тендам саламлем!

Лач ты кечын 1775 ийыште ош тӱняш икымше марий грамматике савыкталт лектын. Марий калыкын историйыштыже тиде моткоч кугу событий лийын, да тудо марий возыктышлан вияҥашыже тӱҥалтышым ыштен, литератур йылмылан кумда корным почын.

Тиде жап гыч кужу корным эртыме. Марий йылме литератур форманыш савырнен, сылнештын да пойдаралтын, кугыжаныш йылме лийын. Тудым вияҥдымашке, арален толмашке вийым пыштыше писатель, поэт да журналист-влакым чылаштым ойленат от пытаре.

Тачат шочмо йылмым вияҥдыме паша паша чарнен огыл. Мер да тӱвыра илышын чыла сферыштыжат, массовый информаций средствалаште тудым кучылтмо кумдаҥеш, тунемме верлаште тудым туныктымо качестве саемеш.

Тӱп калык йылме-влакын тӱнямбал идалыкыштлан Марий Эл Республикын Правительствыже, образований да тӱвыра орган-шамыч марий туныктышо, учёный, пистель, культур да мер пашаеҥ –  чынжымак, шочмо йылмым вияҥдымаште кугун тыршыше, тидлан уло моштымашым да вийым пӧлеклыше-влаклан полыш пуалтеш. Республик деч ӧрдыжтӧ илыше марий-влакат тӱткыш деч посна огыт код. Йылме – тиде кажне калыкын чонжо, тудын аклаш лийдыме поянлыкше.

Кажне Тиште кече республикыште кугу пайрем семын эрта. Тыгак лийшаш. Марий мландыште илыше чыла калыкымат тиде кугу пайрем дене уло чонем дене саламлем.