«Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакым сайлыме радам нерген» Марий Эл Республикын 2003 ий 6 мартысе 8-З №-ан Законжо дене келшышын, Марий Эл Республикын Кугыжаныш Погынжо Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакын кок вакансийышт почылтмо нерген увертара.
Россий Федерацийын 35 ийым темыше, образовательный программе шотышто кугыжаныш аккредитациян кӱшыл профессиональный образованийын образовательный учрежденийыштыже налме кӱшыл юридический образованиян, юридический специальность дене 5 ий деч шагал огыл паша стажан, але марте лӱмнерым шӱктарыше ошкылым ыштыдыме, депутат огыл улшо, кугыжаныш але муниципальный должностьым, кугыжаныш але муниципальный службын должностьшым айлыдыме гражданже-влак Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель лийын кертыт.
Представительлан сайлышашлан кандидат-влакым Марий Эл Республикын Кугыжаныш Погынжын комитетше, юридический пашам шуктышо мер организаций, айдемын да гражданинын правашт ден эрыкыштым аралымым тӱҥ уставной цельлан шотлыман, «Общественный объединений-влак нерген» Федеральный закон дене келшышын кугыжаныш регистрацийым эртыше мер организаций-влак, тыгак юриспруденций шотышто специальность але ямдылалтме направлений дене кӱшыл образованийын образовательный программыже-влакым шуктен толшо образовательный организаций-влакын научно-педагогический коллективышт ойырен кертыт. Кажне комитет, организаций, коллектив Марий Эл Республикын Кугыжаныш Погынжылан икте деч шуко огыл кандидатурым темлат.
Представительлан сайлышашлан кандидатыр шотышто темлымашан письма пелен пышталтыт:
а) конференцийын (погынамашын), Марий Эл Республикын Кугыжаныш Погынжын комитетшын заседанийжын представительлан сайлышашлан кандидатым ойырымо нерген пунчалан протоколыштым;
б) кандидатын представительын обязанностьшым шукташ кӧнымыж да «Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакым сайлыме радам нерген» Марий Эл Республикын Законын 2 лончыштыжо палемдыме сведенийым тергаш пуаш кӧнымыж нерген йодмашыжым;
в) автобиографийым;
г) кандидатын ийготшым, кӱшыл юридический образованиян улмыжым, юридический специальность дене пашам ыштыме шотышто кӱлшӧ стажым, «Марий Эл Республикын Адвокат палатыж пеленысе квалификационный комиссийын составыштыже Марий Эл Республикын Кугыжаныш Погынжо деч представитель-влакым сайлыме радам нерген» Марий Эл Республикын Законжын 2 лончыштыжо палемдыме ограниченийын укелыкшым пеҥгыдемден ончыктышо документ-влакын копийыштым;
д) кандидатлан характеристикым.
Кандидат-влакым ойырымо нерген материал-шамычым пеҥгыдемден ончыктышо документ-влак дене пырля Марий Эл Республикын Кугыжаныш Погынышкыжо 2023 ий 25 октябрьыште 17 шагат деч почеш кодде, тыгай адрес дене пуалтыт: 424001, Йошкар-Ола, Ленин проспект, 29-ше пӧрт.
