Марий Эл лектышым кугемдаш ямде

​22 февральыште Марий Элым Вуйлатыше Александр Евстифеев ялозанлык продукцийым вес эллашке ужалыме пашам вияҥдыме шотышто совещанийыште лийын. Тиде совещанийже Казаньыште Российын ялозанлык министрже Дмитрий Патрушев ден РФ Президентын Юл кундем федеральный округысо полномочный представительжын алмаштышыже Алексей Кузьмицкийын вуйлатымышт почеш эртен.

Совещанийыш погынышо-влак Юл кундем федеральный округысо регионлаште аграрно-промышленный комплексым вияҥдыме пеш кўлешан йодыш-влакым каҥашеныт.

Погынышо-влакым саламлен ойлымыж годым Алексей Кузьмицкий тыге палемден: Юл кундем федеральный округ элыште ялозанлык продукцийым ыштен налмашке эреак кугу надырым пыштен шога. 2018 ийын итогшо почеш элыште ыштен налме вольык озанлык продукцийын чырык наре ужашыжым да пасу паша продукцийын визымше ужашыжым тиде округышто ыштен налме.

Совещанийыш погынышо-влак ончылно ойлымыж годым Дмитрий Патрушев тыге палемден: тачысе мутланымашын цельжылан производствым кумдаҥдыме да экспортный показатель-влакым кугемден толмо шотышто задаче ден пунчал-влакым регион-влак дене пырля ямдылымаш шотлалтеш. Кызытсе жаплан Юл кундем федеральный округ Российыште агропромышленный комплексын продукцийжым ыштен налмаште кокымшо верыште улеш. Прогноз почеш округ 2024 ийлан экспортым кок пачаш утла, а лачшымак каласаш гын, кызытсе 1,2 миллиард гыч 2,8 миллиард доллар марте, кугемдышаш. Планироватлыме российский экспортын чумыр кугытыштыжо округын пайже тыгак кугемеш да 6 утла процентыш шуэш, палемден Дмитрий Патрушев.

Марий Эл нерген ойлаш гын, тудо ялозанлык продукцийым ыштен налме шотышто округысо субъект-влак коклаште почеш огеш код, умбакыже вияҥме шотыштат йєнжє ситышын уло.

«Мемнан республикына округын иктешлыше справкыштыже кок показатель дене палемдалтын: сурткайык да сєсна шылым ыштен налме кугытым чотак ешарыме. Ялозанлык производствын моло направленийже денат мыланна пашам саемден колтыман. Тыште шєрым, ушкал шылым ыштен налме да курал ўдымє кумдыкым ешарыме нерген ойлалтеш. Ты шотышто мемнан йєнна уло, корно картымат ыштыме», – каласен Александр Евстифеев совещанийын итогшо дене палдарымыж годым.

Марий Эл Ялозанлык министерствын данныйже почеш, кызыт республик вес эллашке 13 миллион доллараш продукцийым колтен шога, 4-5 ий жапыште тиде кугыт кок пачаш утла кугемшаш. Ялозанлыкым умбакыже вияҥдышашлан республикын вий-куатше сита, ойлат ведомствышто.