|
Марий Эл – 11-ше верыште
19.05.2020
15 майыште
Марий Эл вуйлатыше Александр Евстифеев Россий Федерацийыште региональный
вияҥмаш шотышто правительственный комиссийын президиумжын заседанийышкыже
ушнен. Тиде селекторный совещанийым Россий правительстве председательын
алмаштышыже Марат Хуснуллин эртарен.
Заседанийыште илыме вер да коммунал озанлыкыште чоҥымо отрасльлан, транспорт объект-влакым чоҥымашлан полышым пуымо шотышто паша кузе шукталтмым каҥашеныт. Кызытсе жаплан чоҥымо да илаш пурымо шот дене РФ регион-влак коклаште Марий Эл - 11-ше верыште. 1 апрельлан тиде кугыт 87.8 тӱжем квадрат метр кумдыкыш шуын. Тидыже ӱмашсе показатель деч 76,7 %-лан шукырак. Тыгак Марий Эл правительствын пунчалже дене келшышын, коронавируслан кӧра паша кечылан огыл шотлалтше жапыште республикыште могай организаций ден учреждений-влакын пашаштым шукташ праван улмыштым палемденыт. Тиде илыме верым чоҥышо, ты пашам шукташ кӱлшӧ материалым, конструкцийым, ӱзгар ден арверым ямдылыше предприятий-влак, энергетике, шокшым, газым, вӱдым пуышо, вӱдым эрыктыше, шуко пачеран пӧртлаште ремонтым шуктышо да республик кумдыкышто системообразующий манме радамыш пурышо организаций-влак улыт. Пытартышышт шотышто Марий Элын Транспорт да корно озанлык министерстве арня еда мониторингым эртара. |
Марий Эл – 11-ше верыште
