«Лесная сказка» тазалыкым пеҥгыдемдыме комплекс ончыкшым патриотический лагерьын негызышкыже савырнен кертеш

Тушто «Патриот» тактический паркым  да самырык-влакым военный-патриотизм  шўлышеш шуарен куштымо «Авангард» туныктымо-методический рўдерым вераҥден кертшаш йєным Марий Элын вуйлатышыжын тушко миен коштмыж годым каҥашыме.

Верыш лектын эртарыме совещаний жапыште тушко мийыше-влак ончыкылык курсант-шамычын илен кертме условийышт дене палыме лийыныт.

Республикын Молодёжный политике, спорт да туризм министерствын  еҥже-влакын палемдымышт почеш, «Патриот» военно-патриотический парк икмыняр направленийым авалта: тўрлє выставке,  боевой подготовко, культурно-просветительский, образований да социальный паша дене кылдалтше мероприятий, спорт таҥасымаш...  Выставкылан келшыше ужашым Йошкар-Оласе Сеҥымаш паркын кумдыкыштыжо ышташ темлат. Военно-исторический сектор МарГУ-н историй ден филологий факультетыштыже келыштаралтеш. Тўшка мероприятийлам Самырык-влакын полатыштышт эртараш тўҥалыт. Лач тушто тачысе кечылан военно-патриотический рўдер ден республикысе Юнармийын штабше верланеныт. Нылымше зоныжо самырык-влакым военно-патриотизм шўлышеш шуарен куштымо «Авангард» учебно-методический рўдерын пашаж дене кылдалтеш. Тиде – военно-патриотический интерактивный зоно. Тудо специализироватлыме воспитательно-образовательный комплекс шотан лиеш. Тушто кугурак класслаште тунемше-влаклан армийыште служитлаш  ямдылалтме вич кечаш сборым эртараш тўҥалыт.

– Географий  велым ончалаш гын, кундемна моткоч оҥай, но южо вер, зданийже тошто, илаш йєрдымє улыт. Кызыт тыгай объект-влак Образований да науко министерствылан шотлалтыт. Ме нуным военно-патриотически воспитатлыме пашалан келшен толмо велым ончалынна. Тушто спортивный корпус кўлеш, – палемден А.Евстифеев.

Марий Элым вуйлатыше «Лесная сказка» санаторий кундемыште патриотический лагерьым почмо дене кылдалтше йодышым финанс министерстве дене пырля каҥашаш да вич кечаш сборышко погынышо самырык-еҥ-влакым туныктымо йодышлан тўткышым ойыраш кўштен.