Лўмгече дене саламлен

31 августышто Марий районный нефтепровод управлений 40 ияш лўмгечыжым палемден. Юбилейлан пєлеклалтше торжественный мероприятий Йошкар-Олаште Г.Константинов лўмеш Академический руш драме театрыште эртен.

Погынышо-влакым Марий Элым вуйлатыше Александр Евстифеев лўм дене республикын министрже – Марий Элым вуйлатышын полномочный представительже Николай Коротков саламлен ойлен. предприятий нефтьым да нефть продуктым магистральный пуч системе дене колтен шогымо шотышто куштылго огыл 40 ий задачым шуктен шога. «Транснефть» ПАО таче – экологический да промышленный лўдыкшыдымылык нормо ден правилым шотыш налын, кугу лектыш дене пашам ыштыше инновационный предприятий, палемден Николай Коротков.

Тудо Марий Элым вуйлатыше Александр Евстифеевын саламлымашыжым лудын пуэн. Министр кундемым вуйлатышын лўмжє дене «Транснефть» Марий районный нефтепровод управленийын коллектившылан тыгаяк келшен пашам ыштыше команде лийын кодаш да чарныде ончыко каяш тыланен.

Лўмгечылан кєра нефтепровод управленийын эн сай пашаеҥже-влакым Почётан грамот да Тауштыман письма дене палемденыт. Марий Эл Республикым вуйлатышын Тауштымашыжым «Мелковка» НПС-ын начальникше Вячеслав Семёновлан увертарыме, «Килемар» НПС-ын линейный аварийно-эксплуатационный службыжын начальникше Василий Крикуненко РФ Энергетике министерствын Почётан грамотыж дене палемдалтын.

Сцене гыч «Транснефть – Верхняя Волга» АО-н генеральный директоржо Юрий Левинын саламлымашыжым лудын пуэныт, тидын деч вара пашаче коллективым Марий районный нефтепровод управленийын начальникше Игорь Сотов саламлен ойлен.

Юбилей лўмеш пайрем концерт дене пытен.