Марий Эл Республикыш Китайысе Ляонин провинцийын торговльо департаментшын делегацийже толын.
Вашлиймашым инвестиций да экспортым вияҥдыме агентствыште республикын промышленность, экономически вияҥмаш да торговльо министрже Станислав Крылов эртарен. Мемнан регион деч вашлиймаште икмыняр министерствын, предприниматель пашалан полышым пуышо инфраструктур организаций-влакын специалистышт, предприниматель-влак лийыныт.
Китай ден Марий Эл коклаште 2023 ийысе индеш тылзыште внешнеторговый оборот республикнан пӱтынь внешнеторговый оборотшо гыч 29,2 процент лийын. Кодшо ийысе тыгаяк жап дене таҥастарымаште тидыже 28,4 процентлан шукырак.
Китай гыч тений индеш тылзыште сатум кодшо ийысе тыгаяк жап дене таҥастарымаште 36,5 процентлан шукырак кондымо. Импортын кугурак ужашыжлан, 46,6 процент, оборудований ден механический устройство шотлалтын. Пластмассе да тудым кучылтын ямдылыме сатун ужашыже 12,9 процент лийын, электрический машина ден оборудовнаий – 10,3 процент.
Марий Эл Республикын промышленность, экномически вияҥмаш да торговльо министрже Станисла Крылов вашлиймаште ончыкыжым вашкыл шотышто тӱҥ корно-влакым палемден. Эн ончычак Китайыш республикна гыч йӱкшыктарыше торговый оборудований колталташ тӱҥалеш. Ты шотышто Марий Эл Российыште эн ончыллан шотлалтеш. Кокымшо направлений – Китайысе партнёр-влак дене пырля йӱкшыктарыше оборудованийлан комплектоватлыше ужаш-влакым ямыдылымаш. Той пучым, йӱкшыктарыше компрессорым, линейный автоматикым, вентилятр-влакым ышташ тӱҥалыт. Кумшо корно – радиоэлектронный промышленностьышто коопераций кылым утларак вияҥдаш. Тылеч посна Китай партнёр-влак дене пырля автомашина-влаклан ужаш-шамычым ямдылаш тӱҥалаш лийме нерген мутланыме.
Вашлиймаште тыгак агропромышленный комплексыште, образованийыште да турист йогынышто шуктышаш ончыкылык паша нерген каҥашыме.
Марий Эл Республикын Промышленность, экономически вияҥмаш да торговльо министрествын прес-службыжын пуымо материалже негызеш В.Смоленцев ямдылен
