Марий Эл Республикыште илыше пагалыме еҥ-влак!
Марий Эл Республикын Кугыжаныш Погынжо 30 ий ончыч, 1994 ий 6 январьыште, пашам ышташ тӱҥалын.
Законодательный (представительный) орган у россий кугыжанышым ыштыме пагытыште республикыште илыше еҥ-влакын интересыштым ӱшанлын арален шоген да парламентаризмым виҥдымашке, федеративный кугыжынышын правовой системыжым пеҥгыдемдымашке кугу надырым пыштен.
Тылеч вара эртыше ийлаште шым гана погымо Кугыжаныш Погынын депутатше-влак шкешт деч ончычсо депутат-влакын – Марий АССР Верховный Совет депутат-влакын – законым ямдылыме пашаште погымо опытыштлан эҥертен, шкеныштын сайлышышт, исполнительный кучем да верысе самоуправлений орган, граждан обществын институтшо-влак дене пырля пайдалын пашаш ыштен, граждан-влакын конституционный правашт ден эрыкыштым аралымашке, регионым социальный ден экономике да культур велым радамлын вияҥден толмашке, Марий Элыште тыныслыкым да ваш сӧрсен илымашым арален кодымашке виктаралтше, сайын шоналтен ямдылыме ответственный пунчал-влакым луктеденыт.
Тачысе кечылан республикыште ӱшанле правовой негызым ыштыме, законым ямдылыме пашам виктарен колтымо чатка системым, тыгак лукмо закон-влакым илышыш шыҥдырыме да нуным шуктен толмым парламент велым терген шогымо механизмым ыштыме. Кугыжаныш Погын федеральный законодательствым саемдымаште, парламент-влак коклаште пырля пашам ыштыме кылым пеҥгыдемдымаште чулымын тырша.
Кызытсе куштылго огыл жапыште депутат корпус йочан еш, илалше еҥ, специальный военный операцийын участникше-влаклан социальный полышым пуэн шогымо йодышлан поснак кугу тӱткышым ойыра. Чыла созыв Кугыжаныш Погынын депутатше-влаклан тале профессионал улмыштлан да гражданский ответственностьым умылен шогымыштлан алал кумылын тауштем. Эреак поро шӱлыш дене шуктен толмо пашада законодательный кучемын авторитетшым умбакыже нӧлтен толаш йӧным ышта да Марий Эллан, тушто илыше еҥ-влаклан кӱлешан задачым шукташ полша манын ӱшанем.
Чылаланда пеҥгыде тазалыкым, илышыште порым гына да Марий Эл Республикын пиалже лӱмеш, Российын пеледалтшашыж лӱмеш илышым тӱзатыме чыла шонымашым шукташ тыланем!
Марий Эл Республикын Кугыжаныш Погынжын Председательже А.В.Смирнов
