|
Кугу тўткыш ойыралтеш
27.03.2020
25 мартыште Марий Элым вуйлатыше Александр
Евстифеев РФ президентын Юл кундем федеральный округысо полномочный
представительже Игорь Комаровын округысо регионлаште коррупций ваштареш
кучедалме йодыш дене эртарыме совещанийыште участвоватлен. Мутланымаш
видеоконференцсвязь йӧн дене эртаралтын.
РФ президентын Юл кундем федеральный округысо полномочный представительже 2018-2020 ийлаште коррупций ваштареш кучедалме шотышто Россий президент Владимир Путинын подписатлыме национальный планым чаткан да кўрылтде шуктен толаш, тидын шотыштак полномочийыштым шуктымо годым служащий ден должностной еҥ-влакын чот кумылан улмо фактым рашемдыме пашан пайдалыкшым кугемдаш ўжын ойлен. Марий Элыште коррупционный ден моло правонарушений лийын кертме лўдыкшым ончылгоч кораҥдыме шотышто орган республикым вуйлатышын администрацийжын структурный подразделенийже семын ышталтын. Управленийын начальникшым да должностной еҥже-влакым республикым вуйлатыше шогалта да нуно лач тудын подчиненийыштыже улыт. Коррупций лийын кертме лўдыкшым ончылгоч кораҥдыме шотышто шукталтше пашан пайдалыкшым кугемдышашлан кажне кугыжаныш орган ден муниципальный образований пелен управленийын пашаеҥже-влакым пеҥгыдемдыме. Нуно тергымашын результатше почеш иктешлымашым, комиссий-влакын заседанийыштын материалыштым, пунчал-влакын проектыштым ямдылыме, йодмашым, представленийым ончымо годым кугыжаныш ден муниципальный орган-влаклан полышым пуат, коррупций ваштареш виктаралтше шинчымашым шарыме мероприятийлаште участвоватлат, гражданский (муниципальный) служащий-влакын служебный поведенийышт шотышто требований шукталтмым тергыше комиссий-влакын составышкышт пурат. |
Кугу тўткыш ойыралтеш
