Кугешнена, вуйнам савена

Пагалыме ветеран, кугурак тукымын представительже-влак!

Марий Эл Республикын Правительствыже  лўм дене да шке лўмем дене тендам Илалше еҥ-влакын тўнямбал кечышт дене  саламлем!

Тиде пайрем Марий Эл Республикым  вияҥдымашке  надырым пыштымыланда, изи Шочмо элнан  пиалже лўмеш тыршен пашам ыштымыланда, самырык тукымым илыш опытда дене  кумылын палдарен шогымыланда, мудреч уш-акылан улмыланда тыланда тау мутым каласаш йєным пуа. Марий кундем мо дене таче  кугешна гын,  тышеч шукыжо тендан  палемдымыш шуаш тыршен ыштыме пашада да талантда дене ышталтын.

Чулымлыкым ончыктен, кужу ўмырым илымаш – «Демографий»  национальный проектын да тудын «Кугырак тукым»  программыжын  ик эн кўлешан цельышт, тидым  Российын Президентше  Владимир Путин выступленийлаштыже ик гана веле огыл  палемден: «Кугурак тукымлан  илашыже чапле условийым ыштымаш – пеш кўлешан, шуко шєрынан  задаче, тудым шуктышашлан кучем орган-влакын, бизнесын, коммерческий организаций, волонтер, религиозный конфессий-влакын вийыштым иктыш ушаш кўлеш». Тачысе кечылан Марий Элыште илыше 200 тўжем утла  еҥ илышын «шєртньє»  пагытышкыже  тошкалын, 13 еҥ 100 ийымат эртен каен.

Пенсионер ден ветеран-влак илышыште чулымлыкым ончыктат, тўрлє спортивный ден общественный мероприятий-влакым  организоватлат да шкештат участвоватлалт. 14 мартыште республикыште «Российысе пенсионер-влакын ушемыштын»  региональный пєлкажым ыштыме, тачысе кечылан тушко кундемысе чыла муниципальный  образованийыште  тўжем утла еҥ пурен.

Марий Элыште 55 ий деч кугурак ийготан 11 тўжем утла еҥ физический культур дене пеҥгыде кылым куча. Тидыже куандара: спорт самырык тукымын веле огыл, кугурак  ийготан еҥ-влакынат илышыштышт рўдє верым налын шога. Республикын командыже  тений августышто  Российысе пенсионер-влакын  VI спартакиадыштышт участвоватлен да шкенжым сай велым ончыктен.

Пагалыме ветеран, кугурак тукымын представительже-влак! Илаш туныктышо  примерым ончыктымыланда да кушкын толшо тукымым  шуарен куштымыланда  тау!

Тыланда тазалыкым, пиалым, кужу ўмырым, вий-куатым да ончыкылан ўшаным  алал кумылын тыланем!

Марий Эл Республикым Вуйлатыше

А.А, Евстифеев