Кудло у пачерыш

Марий Элым вуйлатыше Александр Евстифеев 8 ноябрьыште РФ Правительстве председательын алмаштышыже Виталий Муткон регион-влак дене видеокылым кучымо режим почеш эртарыме совещанийыште участвоватлен. Тушто элын субъектлаштыже «Илыме вер да оласе среда» национальный проектым да тудын составышкыже пурышо федеральный проект-влакым шуктен толмо нерген мутланыме. Вице-премьер илыме верым пашаш колтымаште почеш кодшо кундем-влакын лўмыштым каласен да ондалалтше дольщик-влакын проблемыштым тєрлымє пашам чулымынрак шуктен толаш региональный кучем-влакым ўжын ойлен.

Ондалалтше дольщик-влакын проблемыштым тєрлымє йодыш шумлык совещанийым Александр Евстифеев тений 17 октябрьыште эртарен. Тушто тыге палемдыме ыле: республикыште ондалалтше 100 дольщик уло. Нунын дене кылдалтше йодыш тений талук мучаш марте тєрлен шукталтеш.

Национальный проект-влак нерген ойлаш гын, «Илыме вер» региональный проект дене келшышын, 2025 ийлан 3 миллион кв. метр илыме верым чоҥен шуктыман. Тений 1 ноябрьылан 227,7 тўжем кв. илыме верым пашаш колтымо. Тидын годымак 131,9 тўжем кв. метр индивидуальный илыме верым ыштен шуктымо. Медведево районысо Шоядўр ялыш пурымо 4,3 км. кужытан, 33,2 миллион теҥге сметный акаш корным ыштыме. Тиде корным ыштымаш Шоядўрыштє чылаже 5,1 тўжем кв. метр кумдыкан 28 пєртым пашаш колташ йєным пуэн.

«Йєнан оласе средам ыштымаш» федеральный проект почеш 7 ноябрьлан 120 кудывече ден общественный территорийым тўзатыме пашам мучашке шуктымо. Эше ик объектыште пашам 1 декабрь марте мучашлаш палемдыме.

«Илаш йєрыдымє илыме вер фондым ўшанлын шагалемден толаш йєным ыштымаш» федеральный проектат шукталтеш. Тиде проект почеш республикыште 10,5 тўжем кв. метр аварийный илыме верым пытараш да 724 еҥым у илыме верыш кусараш палемдалтеш. Программын икымше йыжыҥжым шукташ 353,54 миллион теҥге колталтеш, тидын шотыштак 330,05 миллион теҥгежым Жилищно-коммунальный озанлыкым реформироватлаш йєным ыштыме фонд ойыра.

7 ноябрьлан Звенигово ден Медведево районлаште чоҥымо шуко пачеран пєртлаште 60 пачерым оксала налаш муниципальный контрактым ыштыме. Тидыже 112 еҥым вес верыш илаш кусараш да 2,3 тўжем кв. метр аварийный илыме верым пытараш йєным пуа.